मोकामा येथील आरजेडीचे बाहुबली आमदार अनंत सिंग (Anant Kumar Singh) यांना लडमा येथील त्यांच्या वडिलोपार्जित घरामध्ये एके-47 आणि ग्रेनेड बाळगल्याप्रकरणी न्यायालयाने 10 वर्षांच्या तुरुंगवासाची शिक्षा सुनावली आहे. (MLA Anant Singh sentenced to 10 years for carrying AK 47 and hand grenade)

घरातून एके-47 आणि ग्रेनेड जप्त केल्याप्रकरणी अनंत सिंगला यांना दोषी ठरवण्यात आले होते. या प्रकरणी अनंत सिंग यांना मंगळवारी पाटण्यात शिक्षा सुनावण्यात आली आहे. पोलिसांच्या दाव्यावर खटल्याची सुनावणी पूर्ण झाल्यानंतर अनंत सिंह यांना दोषी ठरवण्यात आले आणि आता एमपी-एमएलए न्यायालयाने या प्रकरणी निर्णय दिला आहे. मोकामाचे आमदार अनंत सिंह सध्या पाटणा येथील बेऊर तुरुंगामध्ये आहेत.

बिहारचे बाहुबली आमदार समजले जाणारे अनंत सिंह यांच्याविरुद्ध सुरू असलेला खटला बिहार सरकारने विशेष प्रकरणाच्या श्रेणीमध्ये ठेवला आहे. आरोपींविरुद्धच्या खटल्यासाठी विशेष सरकारी वकिलाची नियुक्ती देखील करण्यात आली होती. या खटल्याचीही जलदगतीने सुनावणी सुरु आहे.