Manipur Violence Dainik Gomantak
देश

Manipur Violence: म्यानमार सीमेवर पोलिस अधिकाऱ्याची गोळ्या झाडून हत्या, मणिपूरमध्ये...!

Manipur Violence: मणिपूरच्या तेंगनौपाल जिल्ह्यातील मोरेह येथे मंगळवारी (31 ऑक्टोबर) संशयित लोकांनी एका एसडीपीओची गोळ्या झाडून हत्या केली.

Manish Jadhav

Manipur Violence: मणिपूरच्या तेंगनौपाल जिल्ह्यातील मोरेह येथे मंगळवारी (31 ऑक्टोबर) संशयित लोकांनी एका पोलिस अधिकाऱ्याची गोळ्या झाडून हत्या केली. एका स्थानिक पोलिस अधिकाऱ्याने सांगितले की, संशयित अतिरेक्यांनी पोलिस पथकावर हल्ला केला जेव्हा ते मोरेह येथील ईस्टर्न शाइन स्कूलच्या मैदानावर हेलिपॅडच्या प्रस्तावित बांधकाम जागेचा आढावा घेत होते.

पोलीस (Police) अधिकाऱ्याने दिलेल्या माहितीनुसार, या हल्ल्यात एसडीपीओ चिंगथम आनंद कुमार जखमी झाले, त्यांना तातडीने प्राथमिक आरोग्य केंद्रात नेण्यात आले, मात्र तिथे त्यांचा मृत्यू झाला. मारल्या गेलेल्या पोलिस अधिकाऱ्याच्या पोटात गोळी लागल्याचे त्यांनी सांगितले.

सर्च ऑपरेशन सुरु केले

ते पुढे म्हणाले की, वरिष्ठ पोलिस आणि निमलष्करी अधिकाऱ्यांच्या नेतृत्वाखाली अतिरिक्त सुरक्षा दले परिसरात पोहोचली असून अज्ञातांना पकडण्यासाठी शोध मोहीम सुरु केली आहे.

मणिपूरची (Manipur) राजधानी इंफाळच्या दक्षिणेस 110 किमी अंतरावर असलेल्या मोरेह या सीमावर्ती शहरातून राज्य बल मागे घेण्याच्या विविध आदिवासी संघटना, विशेषत: मोरेह-आधारित संघटनांच्या मागणीदरम्यान ही घटना घडली. म्यानमार सीमेवर स्थित मोरेह शहर हे एक मोठे व्यापारी केंद्र असून येथे विविध समुदायांचे लोक राहतात.

मुख्यमंत्र्यांनी या घटनेचा निषेध केला

दरम्यान, या हल्ल्याची निंदा करताना मणिपूरचे मुख्यमंत्री एन बिरेन सिंग यांनी ट्विटरवर म्हटले आहे की, "आज सकाळी ओसी मोरेह पोलिस एसडीपीओ चिंगथम आनंद यांच्या निर्घृण हत्येमुळे खूप दुःख झाले. जनतेची सेवा आणि सुरक्षेसाठी त्यांनी केलेले समर्पण सदैव स्मरणात राहील. गुन्हेगारांना कठोर शिक्षा दिली जाईल.''

या घटनेनंतर लगेचच मुख्यमंत्र्यांच्या अध्यक्षतेखाली मंत्रिपरिषदेची तातडीची बैठक झाली. परिस्थिती हळूहळू पूर्वपदावर येत असताना, सशस्त्र कुकी अतिरेक्यांनी केलेल्या गोळीबारात पोलीस अधिकारी चिंगथम आनंद कुमार ठार झाले, असे मंत्रिमंडळ बैठकीनंतर अधिकृत निवेदनात म्हटले आहे.

हल्ल्या दरम्यान ते राज्य दल आणि सीमा सुरक्षा दल (बीएसएफ) यांच्या संयुक्त विद्यमाने हेलिपॅड बांधण्यासाठी ईस्टर्न शाइन स्कूलचे मैदान साफ ​​करण्यावर देखरेख करत होते. या भ्याड कृत्याचा मंत्रिमंडळाने तीव्र शब्दात निषेध केला.

निवेदनात म्हटले आहे की, मंत्रिमंडळाने आनंद कुमार यांच्या कुटुंबीयांना 50 लाख रुपयांची नुकसानभरपाई देण्यास मान्यता दिली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मुंबईत रंगला 'गली क्रिकेट'चा थरार! प्रिन्स विल्यम आणि केट मिडलटनला क्रिकेटच्या देवाने दिले फलंदाजीचे धडे; व्हिडिओ तूफान व्हायरल

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

Goa Politics: मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

SCROLL FOR NEXT