पश्चिम बंगालच्या (West Bengal) मुख्यमंत्री (Chief Minister) आणि तृणमुल कॉंग्रेसच्या अध्यक्षा ममता बॅनर्जी यांनी केंद्र सरकरावर जोरगदार टीका केली आहे. कोरोना व्हक्सीनेशन प्रमाणपत्रावर तर तुम्ही तुमचा फोटो लावलाच आहे आता मृत्यूपत्रावर सुद्धा लावा असे म्हणत ममता बॅनर्जी यांनी पंतप्रधान नरेंद्र मोदींवर निशाणा साधला आहे.

ममता बॅनर्जी यांनी यावेळी असे सांगितले की, पश्चिम बंगालला केंद्र सरकारकडून पुरेशा लसी मिळत नाही. ग्रामीण भागात जास्तीत जास्त लोकांचे लसीकरण होई पर्यंत राज्य सरकारला सर्व सामान्यांसाठी आवश्यक असलेली लोकल ट्रेन सुरु करता येत नाहीयेत.

पश्चिम बंगाल सरकारने नुकतेच नवे नियम लागु केले आहेत. यापूर्वी, रात्रीच्या कर्फ्यूचे तास रात्री 9 ते सकाळी 5 पर्यंत होते. गुरुवारी, पश्चिम बंगाल सरकारने राज्यात कोविड -19 मुळे लागु करण्यात आलेला लॉकडाऊन 30 ऑगस्टपर्यंत वाढवला आहे.

दरम्यान, ममता बॅनर्जी यांनी साथीच्या कारणास्तव मानवतावादी दृष्टीकोनातुन जन्मठेपेची शिक्षा झालेल्या 55 वर्षांवरील 73 दोषींना तुरुंगातून मुक्त करण्याची घोषणा केली आहे. यापूर्वी कोविड -19 मुळे राज्यात 63 दोषींची अकाली सुटका झाली होती.