Justice Krishnan Ramasamy:

गृहिणी घराचे व्यवस्थापन करते, पतीला कामासाठी घराबाहेर पडता यावे यासाठी तिच्या स्वत: च्या स्वप्नांचा त्याग करते, त्यामुळे कौटुंबिक मालमत्ता कमवण्यात गृहीणीचाही मोलाचा वाटा असतो. आणि म्हणूनच तिच्या पतीने स्वतःच्या नावावर घेतलेल्या सर्व मालमत्तेतील अर्धा वाटा मिळण्यास ती पात्र आहे. असा आदेश मद्रास उच्च न्यायालयाने नुकताच दिला.

21 जून रोजी दिलेल्या निकालात, न्यायमूर्ती कृष्णन रामासामी यांनी असे म्हटले की, पत्नीने प्रत्यक्ष तकिंवा अप्रत्यक्षपणे केलेल्या योगदानाला मान्यता देण्यासाठी भारतात आतापर्यंत कोणताही कायदा लागू करण्यात आलेला नाही, परंतु न्यायालय अशा योगदानाला चांगल्या प्रकारे ओळखू शकते.

वरील निरिक्षणात, कुटुंबाच्या कल्याणासाठी दोन्ही पती-पत्नींच्या प्रत्यक्ष किंवा अप्रत्यक्षपणे संयुक्त योगदानाद्वारे मालमत्ता संपादन केल्यास, दोघांनाही समान वाटा मिळण्याचा हक्क असेल, असे न्यायालयाने अधोरेखित केले.

या कारणांमुळे न्यायाधीशांनी कमसाला अम्मल या महिलेने दाखल केलेल्या अपीलला परवानगी दिली, जिने तिच्या मृत पतीच्या नावावर असलेल्या मालमत्तेत हिस्सा मागितला होता.

उच्च न्यायालयाने पाच मालमत्ता तपासल्या, त्यापैकी दोन तिच्या पतीने सौदी अरेबियात काम करत असताना कमावलेल्या पैशातून तिच्या पतीने विकत घेतले होत्या. दुसरी एक जमीन मृत पतीने अम्मलच्या नावावर विकत घेतली होती. तर काही दागिने बॅंक लॉकरमध्ये ठेवले होते.

अम्मलच्या विरोधात मालमत्तेतील वाट्याचा दावा सुरुवातीला तिच्या पतीने आणि तिच्या मृत्यूनंतर तिच्या मुलांनी लढवला होता.

2015 मध्ये, स्थानिक न्यायालयाने वर नमूद केलेल्या पाचपैकी तीन मालमत्ता आणि मालमत्तेमध्ये समान वाटा मिळण्याचा अम्मलचा दावा नाकारला होता.

विवादित मालमत्ता पतीने स्वतःच्या बचतीतून विकत घेतले असले तरी, अम्मालला 50 टक्के वाटा मिळण्याचा हक्क आहे. असे उच्च न्यायालयाने म्हटले आहे. त्यात पुढे असे म्हटले आहे की दोन बँक लॉकरमधील सोने मृत व्यक्तीने अम्मलसाठी भेटवस्तू म्हणून खरेदी केली होती आणि म्हणून ती फक्त तिच्या मालकीची आहेत.