चेन्नई येथे माजी पंतप्रधान अटलबिहारी वाजपेयी यांच्या 97 व्या जयंतीनिमित्त उपराष्ट्रपतींनी त्यांना आदरांजली वाहिली. श्री वाजपेयी यांची जयंती 'सुशासन दिन' म्हणून साजरी केली जाते. दरम्यान संबंधित कार्यक्रमात नागरिकाना संबोधताना जे खासदार (MP) किंवा आमदार (MLA) आपली कर्तव्ये पार पाडत नाहीत, ते विविध स्तरांवर कार्यकारिणीला प्रश्न विचारण्याचा नैतिक अधिकार गमावतात, असे विधान नायडू (M Venkaiah Naidu) यांनी केले.

ते एका मुलाखती दरम्यान ते म्हणाले की, चांगल्या प्रशासनासाठी तसेच लोकांसाठी कार्यकारिणीची जबाबदारी सुनिश्चित करण्यासाठी चांगल्या विधिमंडळाची आवश्यकता आहे. ते पुढे म्हणाले की, निवडून आलेले लोकप्रतिनिधी सरकारला धोरणांची अंमलबजावणी, विविध कल्याणकारी आणि विकास प्रकल्पांच्या अंमलबजावणीबाबत प्रश्न विचारू शकतात.