Uttar Pradesh Crime News: उत्तर प्रदेशातील लखनऊ येथून 90 दिवसांत आरोपपत्र दाखल न केल्यामुळे 11 आरोपींना जामीन मिळाल्याची घटना समोर आली आहे. अल-कायदा इंडियन सबकॉन्टिनेंट (AQIS) आणि जमात उल मुजाहिदीन (JMB) या दहशतवादी संघटनांशी संबंधित 11 आरोपींना अटक करण्यात आली होती, ज्यांना आता 90 दिवसांनंतर जामीन मिळाला आहे. लखनऊ उच्च न्यायालयाने आता या आरोपींना डिफॉल्ट जामीन दिला आहे. न्यायमूर्ती ए आर मसूदी आणि न्यायमूर्ती मनीष कुमार निगम यांच्या दुहेरी खंडपीठाने सर्व 11 आरोपींचा जामीन मंजूर केला आहे.
दरम्यान, दहशतवादी संघटनेशी संबंध असल्याच्या आरोपावरुन आरोपींना अटक केल्यानंतर दहशतवादविरोधी पथकाने (एटीएस) 90 दिवसांत आरोपपत्र दाखल केले नाही, त्यानंतर कनिष्ठ न्यायालयात सर्व आरोपींनी जामीन अर्ज दाखल केला होता. मात्र, याआधी 13 फेब्रुवारी 2023 रोजी NIA कोर्टाने जामीन फेटाळला होता.
त्यानंतर आरोपींनी कनिष्ठ न्यायालयाच्या निर्णयाविरोधात लखनऊ उच्च न्यायालयात अपील केले होते. सुनावणीनंतर उच्च न्यायालयाने आरोपी लुकमान, अब्दुल तल्हा, मोहम्मद अलीम, नवाजीश अन्सारी यांच्यासह 11 आरोपींना डिफॉल्ट जामीन मंजूर केला.
दरम्यान, 27 सप्टेंबर 2022 रोजी एनआयएच्या इनपुटनंतर यूपी एटीएसने सहारनपूर शामली येथून एकूण 11 जणांना अटक केली होती. या 11 जणांवर अल कायदाचे मदतनीस असल्याचा आरोप करुन अटक करण्यात आली होती. अटक करण्यात आलेल्या आरोपींपैकी काहीजण देशाबाहेरील आहेत, ज्यात बांगलादेशचा रहिवासी असलेला अब्दुल तलहा आणि बांगलादेशच्या जमातुल मुजाहिदीन या दहशतवादी संघटनेशी संबंध असलेला मोहम्मद अलीम यांचा समावेश आहे.
डिफॉल्ट जामीन हा जामीन मिळवण्याचा अधिकार आहे. जो एखाद्या आरोपीला मिळतो जेव्हा पोलीस दिलेल्या वेळेत तपास पूर्ण करु शकत नाहीत. त्याला ‘वैधानिक जामीन’ (Statutory Bail) असेही म्हणतात.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.