Uttar Pradesh Crime: उत्तर प्रदेशातील सीतापूरमधून एक धक्कादायक घटना समोर आली आहे. येथे एका 45 वर्षीय व्यक्तीने आपल्या संपूर्ण कुटुंबाची हत्या केली. यानंतर त्यानेही आपले जीवन संपवले. सीतापूर येथील अनुराग सिंह याने केलेल्या हत्येने संपूर्ण जिल्ह्यात खळबळ उडाली आहे. या भीषण घटनेचे वृत्त समजताच संपूर्ण गावात एकच खळबळ उडाली. एवढं भयंकर पाऊल उचलण्यासाठी एखाद्या व्यक्तीच्या बाबतीत असं काय घडलं असेल, असा विचार स्थानिक लोकांना करायला या घटनेनं भाग पाडलं.
दरम्यान, आरोपी अनुराग सिंहने सर्वप्रथम पत्नी प्रियांका सिंह (40 वर्षे) यांची हत्या केली. नंतर आई सावित्री देवी (62 वर्षे) यांची गोळ्या झाडून हत्या केली. त्यानंतर मोठी मुलगी अश्वी सिंह (12 वर्षे), मुलगा अनुराग आणि धाकटी मुलगी अर्ना (8 वर्षे) यांची हत्या केली. आरोपी अनुरागने पत्नीला मारण्यासाठी हातोडीचा वापर केला, तर मुलांना घराच्या टेरेसवरुन खाली ढकलले.
मथुरा पोलीस ठाण्याच्या हद्दीतील पाल्हापूर गावात ही घटना घडली. पोलिसांच्या प्राथमिक रिपोर्टनुसार, अनुरागला अंमली पदार्थांचे व्यसन होते आणि तो मानसिकदृष्ट्या अस्वस्थही होता. या घटनेबाबत सीतापूरचे एसएसपी चक्रेश मिश्रा यांनी सांगितले की, आज मथुरा येथील रामपूर पोलिसांना अनुराग सिंह (वय-45 वर्षे) नावाच्या एका मानसिक रुग्णाने आत्महत्या करण्यापूर्वी आपल्या कुटुंबातील 5 जणांची हत्या केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
