Russian Tourists Cleaned Kochi Beach: सोशल मीडियावर दररोज वेगवेगळ्या प्रकारचे व्हिडिओ व्हायरल होत असतात. यातच, कोची बीचवरील एक व्हिडिओ सोशल मीडियावर तूफान व्हायरल झाला आहे, ज्यामध्ये काही रशियन पर्यटक कथितरित्या कोची बीच साफ करताना दिसत आहेत.
दरम्यान, याबाबत पर्यटन विभागाने अधिकाऱ्यांकडून समुद्रकिनाऱ्याच्या सद्यस्थितीबाबत अहवाल मागवला आहे. व्हायरल झालेल्या व्हिडिओमध्ये काही रशियन महिला समुद्रात पोहायला जाण्यापूर्वी समुद्रकिनारा साफ करताना दिसत आहेत. या पर्यटकांनी पिशव्यांवर एक मेसेजही लिहिला आहे, ज्यावर त्यांनी लिहिले की, 'तुमचे जीवन स्वच्छ करा, कचरा गोळा करा, पिशवीत टाका, नंतर जाळून टाका किंवा जमिनीखाली गाडून टाका'.
याबाबत एका व्यक्तीने सोशल मीडियावर लिहिले की, रशियन पर्यटकांनी स्वतः समुद्रकिनारा स्वच्छ करण्यास सुरुवात केली. आणखी एका व्यक्तीने लिहिले की, केरळमधील सर्वात प्रतिष्ठित ठिकाणांपैकी एक असलेल्या कोची बीचची स्वच्छता परदेशी लोकांनी करणे अत्यंत चुकीचे आहे.
आता या प्रकरणी कोची हेरिटेज कॉन्झर्व्हेशन सोसायटी समुद्रकिनाऱ्याच्या स्वच्छतेचे काम प्रभावीपणे करत नसल्याचा आरोप केला जात आहे. हा व्हिडीओ समोर आल्यानंतर समुद्रकिनाऱ्याच्या स्वच्छतेबाबत कठोर निर्बंध लादण्याची मागणी होत आहे. रिपोर्ट्सनुसार, कोची बीचवर प्लास्टिक, थर्माकोल आणि काचेच्या बाटल्या पडलेल्या पाहायला मिळतात. त्याचवेळी, सोसायटीचे म्हणणे आहे की, 20 कर्मचारी समुद्रकिनाऱ्यावर स्वच्छतेचे काम करत आहेत, परंतु ते पुरेसे नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.