Karnataka Election Result 2023: कर्नाटक विधानसभा निवडणुकीच्या मतमोजणीला सकाली ८ वाजता सुरुवात झाली आहे. निवडणुकीच्या मतमोजणीदरम्यान काँग्रेसच्या अधिकृत ट्विटर हँडलवरून एक ट्विट करण्यात आले, ज्यामध्ये राहुल गांधी काँग्रेस नेत्यांसोबत दिसत आहेत. 

'आय अ‍ॅम इनव्हिझीबल, आय अ‍ॅम कॉन्फिडंट, आय अ‍ॅम अनस्टॉपेबल टु डे', या ट्विटवर असे कॅप्शन देण्यात आले आहे. मतमोजणीमध्ये काँग्रेसला १३१ तर भाजपला ७३ जागा मिळाल्या आहेत.

दरम्यान, राज्यभरातील 36 केंद्रांवर सकाळी 8 वाजता मतमोजणीला सुरुवात झाली आहे. कर्नाटकातील 224 जागांसाठी 10 मे रोजी निवडणूक पार पडली आहे. कर्नाटकातील निवडणुकीसाठी 72.67 टक्के मतदारांनी आपला मतदानाचा हक्क बजावला.

दरम्यान, आता राज्यातील जनता सत्तेच्या चाव्या कुणाकडं देणार हे आज ठरणार आहे. विधानसभा निवडणुकीसाठी एकूण 2,615 उमेदवार उभे आहेत. त्यामध्ये 2,430 पुरुष तर 184 महिला उमेदवार आणि एक तृतीयपंथीय उमेदवार निवडणुकीच्या रिंगणात आहेत.