Son Killed Father For 15 Lakhs: बंगळुरू जवळील निम्हन्स येथे नैराश्यावर उपचार घेत असलेल्या आणि वैद्यकीय सल्ल्याविरुद्ध त्याच्या कुटुंबीयांच्या पुढाकाराने डिस्चार्ज मिळालेल्या 32 वर्षीय अभियंत्याने आर्थिक वादातून आपल्या 62 वर्षीय वडिलांची हत्या केली.

पोलिसांनी आता संशयित अर्जुन के याला त्याच्या कुटुंबीयांच्या सांगण्यावरून पुन्हा एकदा निम्हणमध्ये दाखल केले आहे. अर्जुनसोबतच त्याच्या आईवरही पुरावे नष्ट केल्याप्रकरणी गुन्हा दाखल करण्यात आला आहे.

कामावरुन हकालपट्टी

वड्डारहल्ली येथील कृष्णमूर्ती वायआर असे मृताचे नाव आहे. ते बीएमटीसीचे निवृत्त चालक होते. अर्जुनने केरळमधील एका खाजगी कंपनीत काही काळ अभियंता म्हणून काम केले आहे.

खराब कामगिरीमुळे आणि त्याच्या मानसिक परिस्थितीमुळे त्याला नोव्हेंबरमध्ये कामावरून काढून टाकण्यात आले.

कृष्णमूर्ती यांचा तो एकुलता एक मुलगा होता. अर्जुनची मोठी बहीण विवाहित असून ती अटीगुप्पे येथे राहते.

कृष्णमूर्ती यांनी त्यांच्या सेवानिवृत्तीच्या पैशातून वदारहल्ली येथे घर बांधले होते. अर्जुनने बांधकामासाठी कृष्णमूर्ती यांना १५ लाख रुपये दिले होते.

अर्जुनला त्याच्या मालकाने काढून टाकल्यानंतर तो वदारहल्लीला त्याच्या पालकांसोबत राहू लागला. त्याने वडिलांकडे त्याचे पैसे परत मागितले.

त्याच्या वडिलांनी त्याला समजवण्याचा प्रयत्न केला की भविष्यात ही मालमत्ता तुझीच असेल. मात्र अर्जुन त्याचे ऐकायला तयार नव्हता आणि सतत पैशांची मागणी करत होता.

अन् डाव साधला...

पोलिसांनी सांगितले की, शनिवारी सकाळी नऊच्या सुमारास अर्जुनला त्याचे वडील त्याच्या खोलीत दिसले. त्याने खोलीत प्रवेश करून आतून कुलूप लावले.

नंतर, त्याने कथितरित्या आपल्या वडिलांच्या तोंडावर ठोसा मारला आणि त्याचे डोके भिंतीवर आदळले. कृष्णमूर्ती जमिनीवर कोसळले.

अर्जुनने कृष्णमूर्तीच्या मानेवर पाय ठेवला आणि ते मरेपर्यंत दाबला. नंतर तो त्याच्या खोलीत जाऊन झोपला.

लेकाचं पाप झाकण्याचा आईकडून प्रयत्न

त्याची आई इंदिरम्माने तिचा पतीला निश्चल पडलेले पाहिले आणि रक्ताने माखलेल्या भिंती आणि फरशी साफ केली.

त्यानंतर त्यांची मुलगी प्रतिभा आणि पोलिसांना माहिती दिली. प्रतिभा यांनी एक रुग्णवाहिका बुक केली आणि इंदिरम्माने तिच्या पतीला मदननायकनहल्ली येथील जवळच्या रुग्णालयात नेले, जिथे डॉक्टरांनी त्यांना मृत घोषित केले.

मदननायकनहल्ली पोलिसांनी रुग्णालयात आणि खूनाच्या ठिकाणी धाव घेतली. निरीक्षक बीएस मंजुनाथ यांच्या नेतृत्वाखालील पोलिस पथकाने अर्जुनला त्याच्या घरातील खोलीतून ताब्यात घेतले.

एका पोलीस अधिकाऱ्याने सांगितले की, हत्येच्या एक आठवडा आधी अर्जुनने कृष्णमूर्तीवर हल्ला केला होता. कृष्णमूर्ती यांच्या पायाला दुखापत झाली आणि व्हिक्टोरिया रुग्णालयात उपचार घेतले, त्यानंतर ते घरी परतले.