IRCTC Goa Tour Packages: यंदाचा ख्रिसमस सण गोव्यात साजरा करण्याचा विचार करत असाल तर त्यासाठी IRCTC ने खास पॅकेज आणले आहे. यात मित्रांसोबत, कपल म्हणून किंवा कुटूंब देखील सहभागी होऊ शकते. या पॅकेजमध्ये तुम्हाला अनेक सुविधा मिळतात.

आयआरसीटीसीच्या या अप्रतिम टूर पॅकेजमध्ये पर्यटकांना फ्लाइट (कोलकाता ते गोवा फ्लाइट) द्वारे गोव्याला भेट देण्याची संधी मिळणार आहे. नवीन वर्षाच्या सेलिब्रेशनसाठी हे बजेट फ्रेंडली टूर पॅकेज कोलकाताच्या आंतरराष्ट्रीय विमानतळावरून सुरू होईल.

याशिवाय आयआरसीटीसीच्या इतर टूर पॅकेजप्रमाणे पर्यटकांना निवास आणि भोजनाचीही मोफत सुविधा दिली जाणार आहे. याशिवाय, या पॅकेजमध्ये प्रवाशांना 4 तारांकित हॉटेलमध्ये राहण्याची सुविधा देखील दिली जाईल आणि नाश्ता आणि रात्रीचे जेवण दिले जाईल.

याशिवाय एसी वाहनांमधून प्रवाशांची ने-आण करण्याची व्यवस्था करण्यात येणार आहे.

या टूर पॅकेजमध्ये पर्यटक आग्वाद किल्ला, कांदोळी, बागा, अंजुना, वागातोर बीच आणि शापोरा किल्ला, जुने गोवा चर्च (बॅसिलिका ऑफ बॉम जीझस, पुरातत्व संग्रहालय आणि पोर्ट्रेट गॅलरी), वॅक्स वर्ल्ड म्युझियम, मंगेशी मंदिर, मिरामार ही ठिकाणे पाहता येतील.

तसेच मांडवी किनारीही अनुभव घेता येईल.

या पॅकेजची किंमत

आयआरसीटीसीच्या 4 रात्री आणि 5 दिवसांच्या या टूर पॅकेजमध्ये तीन लोकांसोबत प्रवास केल्यास एका व्यक्तीला 45,640 रुपये मोजावे लागतील. दोन व्यक्तींसोबत राहिल्यास एका व्यक्तीला 47,970 रुपये द्यावे लागतील. तर एका व्यक्तीसाठी 61940 रुपये मोजावे लागतील.

या टूर पॅकेजबद्दल अधिक माहितीसाठी, तुम्ही IRCTC च्या अधिकृत वेबसाइटला भेट देता येऊ शकते.