पाकिस्तानने कितीही आदळआपट केली तरी ऑपरेशन सिंदूरमध्ये उद्धवस्त झालेले एअरबेस भारतीय सैन्याच्या शौर्याची साक्ष देत राहतील. पाकिस्तान युएनमध्ये देखील युद्ध जिंकल्याचा दावा केला, पण भारतीय प्रतिनिधींची पाकच्या खोटेपणाचा बुरखा टराटरा फाडला. दरम्यान, अलिकडेच भारतीय वायुसेनेचा दिन साजरा झाला त्यातही भारताने पाकिस्तानला रोस्ट करण्याची संधी सोडली नाही.

भारतीय वायुसेनेचा दिन नुकताच साजरा झाला. वायुसेनेच्या या कार्यक्रमासाठी खास मेनू तयार करण्यात आला होता. या मेनूला पाकिस्तानच्या उद्धवस्त एअरबेसची नावे देण्यात आली होती. भारतीय सैन्याने या मेनूमधून देखील पाकिस्तानला रोस्ट करण्याची संधी सोडली नाही. वायुसेनेचा हा मेनू सध्या सोशल मीडियावर तूफान व्हायरल होत आहे.

मेनूवर भारतीय वायुसेनेची ९३ वर्षे असं लिहण्यात आले आहे. त्याखाली रावळपिंडी चिकन टिक्का मसाला, रफिकी र्हारा मटण, भोलारी पनीर मेथी मलाई, सुकूर शाम सवेरा कोफ्ता, सरगोंदा दाल मखनी, जाकोबाबाद मेवा पुलाव, बहावलपूर नान आणि डेझर्ट्समध्ये बालाकोट तिरामीशू, मुझफराबाद कुल्फी फालुदा आणि मुरिदके मीठा पान असा मेनू देण्यात आला आहे.

भारतीय सैन्याने राबवलेल्या ऑपरेशन सिंदूरदरम्यान पाकिस्तानच्या या एअरबेसचे मोठे नुकसान झाले होते. भारताने पाकिस्तानमध्ये कारवाई करत नऊ दहशतवादी तळ उद्धवस्त केले होते. पाकिस्तानकडून हल्ला झाल्यानंतर त्याला भारताने जोरदार प्रतित्युत्तर देण्यात आले होते. भारतीय सैन्याच्या हल्ल्यात पाकिस्तानी एअरबेसचे मोठे नुकसान झाले होते.

पाकिस्तानकडून नुकसान न झाल्याचा दावा करण्यात आला असला तरी, भारतीय सैन्य कारवाईत झालेल्या नुकसानीचे व्हिडिओ आणि फोटो पुरावे वारंवार समोर आले आहेत. याशिवाय पाकिस्तानमध्ये झालेल्या नुकसानीचे सॅटेलाईट इमेज देखील समोर आल्या होत्या. दरम्यान, आता भारतीय वायुसेनेच्या कार्यक्रमात तयार करण्यात आलेला मेनू चांगलाच व्हायरल झाला असून, नेटकरी पाकिस्तानला चांगलेच रोस्ट करत आहेत