नवी दिल्ली: कोरोनाचा नवा अवतार भारतामध्येही पोहचला आहे. कोरोनाच्या या प्रसारामुळे आता भारतातही दक्षतेने हालचाल करण्याची पाऊलं उचलली आहे. भारतात जवळपास २० प्रवाशांमध्ये करोना पॉझिटिव्हचा नवा विषाणू आढळून आला आहे. त्यामुळे केंद्र सरकारनं तातडीने ब्रिटनमधून येणाऱ्या विमानांवर बंदी घातली असल्याची माहीती केंद्रीय नागरी उड्डाण मंत्री पुरी यांनी ट्विट करून दिली.
ब्रिटनमध्ये करोनाचा नवा विषाणू आढळल्यानंतर अनेक देशांनी ब्रिटनसोबतची हवाई वाहतूक बंद करण्याचा निर्णय घेतला होता. भारतानेही या नव्या करोना व्हायरसचा धोका लक्षात घेऊन ब्रिटनमधून येणाऱ्या विमानांवर बंदी घातली होती. परंतु त्यापूर्वीच भारतात दाखल झालेल्या प्रवाशांच्या माध्यमातून करोनाच्या नव्या विषाणूनं देशात शिरकाव केला आहे. मंगळवारी ज्या सहा करोना पॉझिटिव्ह रुग्णांमध्ये नवा विषाणू आढळून आला होता. ती संख्या आज (३० डिसेंबर) २० वर गेली आहे. त्याचबरोबर या पॉझिटिव्ह प्रवाशांच्या संपर्कात असलेल्या नागरिकांचाही कोरोना अहवाल पॉझिटिव्ह असल्याचं समोर आलं आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.