IT Raid On BBC: बीबीसीच्या दिल्ली आणि मुंबईच्या कार्यलयावर आयकर विभागाकडून छापेमारी करण्यात आली आहे. यावेळी आयकर विभागाने कर्मचाऱ्यांचे फोनही जप्तही केल्याची माहिती मिळाली आहे. मिळालेल्या माहितीनुसार, कार्यालयातील कर्मचाऱ्यांना घरी जाण्यास सांगितल्याची माहिती मिळाली आहे.

बीबीसी च्या मोदी : द इंडिया क्वेशन ही डॉक्युमेंटरीचा वाद अद्याप शमलेला नसतानाच आता बीबीसीबाबत एक मोठी बातमी येत आहे. आंतरराष्ट्रीय माध्यमसंस्था असलेल्या बीबीसीच्या दिल्ली आणि मुंबईतील कार्यालयांवर आयकर विभागानं छापे टाकले आहेत.

बीबीसी च्या 'मोदी( Modi ) : द इंडिया क्वेशन' या माहितीपटाचे पडसाद देशभरात उमटले होते. या पार्श्वभूमीवर आयकर विभागानं बीबीसीच्या कार्यालयांवर ही कारवाई केल्याची चर्चा आहे.

बीबीसी हा परदेशी आंतरराष्ट्रीय माध्यमसमूह आहे. बीबीसीकडून आयकर कायद्याच्या नियमांचा भंग झाल्याच्या तक्रारी प्राप्त झाल्यानंतर प्राथमिक कारवाई करण्यात येत असल्याची माहिती आहे. दरम्यान, काँग्रेस नेते जयराम रमेश यांनी ही कारवाई सूडबुद्धीनं करण्यात आल्याचं म्हटलं आहे.