राष्ट्रीय आणि आंतरराष्ट्रीय स्पर्धांमध्ये सहभागी झालेल्या प्रतिभावान खेळाडूंसाठी आयकर विभागात (Income Tax) नोकरीची मोठी संधी आहे. आयकर विभागाने मल्टी टास्किंग स्टाफसह विविध पदांवर भरती प्रक्रिया सुरू केली आहे. आणि इच्छुक उमेदवारांकडून अर्ज मागवले आहे. यासाठी आयकर विभागाच्या www.incometaxindia.gov.in या वेबसाइटला भेट देऊन अर्ज डाउनलोड करता येईल. त्यानंतर अर्ज ऑफलाइन करावा लागेल. प्राप्तिकर विभाग क्रीडा कोटा भरती 2022 साठी (Government Job) अर्ज करण्याची अंतिम तारीख 18 एप्रिल 2022 आहे. नोटीसनुसार, प्राप्तिकर विभागामध्ये क्रीडा कोट्याअंतर्गत एकूण 24 पदे रिक्त आहेत. (Income Tax Recruitment 2022 News)

रिक्त पदांचा तपशील -

आयकर निरीक्षक - 1 पद

कर सहाय्यक - 5 पदे

मल्टी टास्किंग स्टाफ - 18 पदे

अत्यावश्यक शैक्षणिक पात्रता

आयकर निरीक्षक- कोणत्याही शाखेतील पदवीधर.

कर सहाय्यक- कोणत्याही शाखेतील पदवीधर/ अपीयर. तसेच प्रति तास 8000 डेटा एंट्रीचा स्पीड

मल्टी टास्किंग स्टाफ – 10वी पास.

वयोमर्यादा

आयकर निरीक्षक- 18 ते 30 वर्षे

कर सहाय्यक - 18 ते 27 वर्षे

मल्टी टास्किंग कर्मचारी - 18 ते 25 वर्षे

टीप- राखीव श्रेणीतील उमेदवारांना नियमानुसार उच्च वयोमर्यादेत सूट देण्यात आली आहे.

क्रीडा क्षमता

1. उमेदवाराने कोणत्याही खेळाच्या राष्ट्रीय आणि आंतरराष्ट्रीय स्पर्धेत भाग घेतलेला असावा.

2. असोसिएशन ऑफ इंडियन युनिव्हर्सिटीज किंवा इंटर युनिव्हर्सिटी स्पोर्ट्स बोर्डाने आयोजित केलेल्या आंतरविद्यापीठ स्पर्धेत भाग घेतलेला असावा.

3. अखिल भारतीय शालेय खेळ महासंघातर्फे आयोजित राष्ट्रीय स्पर्धेत राज्य शालेय संघाकडून खेळलेला असावा.