पंतप्रधान नरेंद्र मोदी सध्या तीन दिवसांच्या युरोप दौऱ्यावर आहेत (PM Modi Germany Visit). त्यांनी आज ( Monday) त्यांच्या तीन देशांच्या युरोप दौऱ्याच्या पहिल्या टप्प्याची सुरुवात जर्मनीतून (Germany) केली, जिथे भारतीय समुदायाने त्यांचे जोरदार स्वागत केले. त्याचवेळी पीएम मोदींनीही लोकांच्या शुभेच्छा स्वीकारल्या. (In Germany a boy won the heart of Prime Minister Narendra Modi by singing a patriotic song)

दरम्यान, एका मुलाने पंतप्रधानांना देशभक्तीपर कविता ऐकवली. यादरम्यान पीएम मोदी या लहान मुलांबरोबर खेळताना दिसले, ज्याचा व्हिडिओ सोशल मीडियावर (Social Media) मोठ्या प्रमाणात व्हायरल होत आहे.

तसेच, पंतप्रधान नरेंद्र मोदी (Prime Minister Narendra Modi) आज सकाळी जर्मनीतील बर्लिन-ब्रॅंडेनबर्ग विमानतळावर पोहोचले होते. तिथून ते हॉटेल एडलॉन केम्पिंस्की येथे पोहोचले. यावेळी भारतीय समुदायाच्या लोकांनी ‘वंदे मातरम’ आणि ‘भारत माता की जय’ च्या घोषणा देत त्यांचे स्वागत केले. त्याचबरोबर पंतप्रधान मोदींनी पालकांसोबत आलेल्या मुलांशीही संवाद साधला. दरम्यान, एका मुलाने पंतप्रधानांना देशभक्तीपर कविता ऐकवली. मुलाकडून देशभक्तीपर गाणे ऐकताना पीएम मोदी चुटकी वाजवताना दिसले. भारतीय वंशाच्या मुलाकडून, पीएम मोदींनी 'ओ जन्मभूमी भारत, ओ कर्मभूमी भारत, हे आदरणीय भारत, जीवन सुमन, आराधना करेंगे तेरी जन्म-जनम भर, हम वंदना करेंगे...' हे गाणे ऐकले.