Gujarat High Court News: मशिदींमध्ये लाऊडस्पीकरवर बंदी घालण्याची मागणी करणारी याचिका गुजरात उच्च न्यायालयाने फेटाळली आहे. मशिदींमध्ये अजानसाठी लाऊडस्पीकरच्या वापरावर बंदी घालण्याची मागणी करणारी जनहित याचिका न्यायालयात दाखल करण्यात आली होती. न्यायालयाने ही याचिका पूर्णपणे चुकीची असल्याचे घोषित केले. मंदिरांमध्ये आरती करताना आवाज होत नसल्याचा दावा याचिकाकर्ता करु शकतो का, असा सवाल न्यायालयाने केला. गैरसमजातून दाखल केलेली याचिका असे न्यायालयाने त्याचे वर्णन केले.

दरम्यान, मंदिरांतील घंटांच्या आवाजावरही न्यायालयाने प्रश्न उपस्थित केला असून, मंदिरात पहाटे 3 वाजताच ढोल-ताशांवर आरती केली जाते. यामुळे अशा वेळी झोपलेल्या लोकांना त्रास होत नाही का? मुख्य न्यायमूर्ती सुनीता अग्रवाल आणि न्यायमूर्ती अनिरुद्ध पी. मायी यांच्या खंडपीठासमोर या याचिकेवर सुनावणी झाली. यासोबतच न्यायालयाने अशा जनहित याचिकांवर विचार करण्यास नकार दिला आणि सांगितले की, ही वर्षानुवर्षे चालत आलेली परंपरा आहे आणि केवळ 5-10 मिनिटांसाठीच चालते.

याचिकेत काय म्हटले होते

बजरंग दलाचे नेते शक्ती सिंह जाला यांनी ही याचिका दाखल केली होती. अजानमध्ये लाऊडस्पीकरच्या वापरामुळे ध्वनी प्रदूषण होते, ज्यामुळे लोकांच्या आरोग्यावर विपरित परिणाम होतो आणि समस्या निर्माण होतात, असे सांगण्यात आले होते. विशेषत: लहान मुलांच्या आरोग्यावर परिणाम होतो.

दरम्यान, या दाव्यामागे कोणताही शास्त्रीय आधार नसल्याचे न्यायालयाने म्हटले आहे. मशिदींमध्ये अजान दरम्यान लाऊडस्पीकरचा वापर केला जाऊ शकतो. मंदिरांमध्येही लाऊडस्पीकरवर आरती केली जाते. जर अजानमुळे ध्वनी प्रदूषण होत असेल तर मग ढोल-ताशांनी आरती का केली जाते, असा सवाल न्यायमूर्तींनी केली. अजान फक्त 10 मिनिटे चालते, मग ध्वनी प्रदूषण कसे होणार?