गुजरातमधील नवसारी येथे शनिवारी सकाळी राष्ट्रीय महामार्ग क्रमांक 48 वर कार आणि बस यांच्यात भीषण अपघात झाला आहे. या अपघातात 9 जणांचा जागीच मृत्यू झाला तर 28 जण गंभीर जखमी झाले. अपघाताची माहिती मिळताच बचाव पथक घटनास्थळी पोहोचले आणि जखमींना उपचारासाठी जवळच्या रुग्णालयात दाखल केले.

• चालकाला हृदयविकाराचा झटका आला

नवसारी जिल्हा पोलिस अधिकाऱ्यांनी माहिती देताना सांगितले की, अपघातात जखमी झालेल्या 11 जणांना नवसारी येथील खासगी रुग्णालयात हलवण्यात आले असून 17 जणांवर वलसाडमध्ये उपचार सुरू आहेत. त्याचवेळी 1 गंभीर जखमी प्रवाशाला उपचारासाठी सुरतच्या सिव्हिल हॉस्पिटलमध्ये नेण्यात आले आहे. घटनास्थळी उपस्थित वरिष्ठ पोलीस अधिकाऱ्यांनी सांगितले की, अपघातानंतर बसच्या चालकाला हृदयविकाराचा झटका आला आणि त्याला उपचारासाठी रुग्णालयात हलवण्यात आले.

• वलसाडच्या दिशेने जात होती गाडी

प्राथमिक माहितीनुसार लक्झरी बस अहमदाबाद शताब्दी महोत्सवातील प्रवाशांना घेऊन वलसाडच्या दिशेने जात होती. दरम्यान रेश्मा गावाजवळ फॉर्च्युनर कारला धडक दिली. या अपघातामुळे रस्त्यावर बराच वेळ जाम झाल्याने क्रेनच्या साहाय्याने बस बाजूला केल्याने वाहतूक सुरळीत झाली. सध्या पोलीस या अपघाताचे कारण शोधण्याचा प्रयत्न करत आहेत. या अपघातात काही प्रवाशांना किरकोळ दुखापतही झाली असून, त्यांना प्राथमिक उपचारानंतर आपापल्या घरी पाठवण्यात आले आहे.