Kerala VC Controversy: केरळचे राज्यपाल आरिफ मोहम्मद खान यांनी राज्यातील 9 विद्यापीठांच्या कुलगुरूंना तत्काळ राजीनामा द्यायचे आदेश दिले आहेत. सोमवार, 24 ऑक्टोबरच्या सकाळपर्यंत राजीनामा देण्याचा अवधी राज्यपालांनी दिला आहे.
एपीजे अब्दुल कलाम तंत्रज्ञान विद्यापीठाच्या कुलगुरूंची नियुक्ती विद्यापीठ अनुदान आयोग तथा यूजीसीच्या नियमांना डावलून झाली होती. त्यामुळे ही नियुक्ती रद्द करण्याचा आदेश नुकताच सर्वोच्च न्यायालयाने दिला होते.
राजभवनने एक ट्विट केले आहे. त्यानुसार नऊ कुलगुरूंमध्ये एपीजे अब्दुल कलाम तंत्रज्ञान विद्यापीठाच्या कुलगुरूंचाही समावेश आहे. राजभवनकडून विद्यापीठांच्या कुलगुरूंना तत्काळ प्रभावाने राजीनामा देण्यास सांगण्यात आले आहे.
आणखी एका ट्विटमध्ये राज्यपालांनी म्हटले आहे की, कुलगुरूंनी सोमवार, 24 ऑक्टोबर रोजी सकाळी साडे अकरा वाजेपर्यंत राजीनामा पाठवावा. राजभवनाच्या माहितीनुसार कुलगुरूंसह कुलसचिव आणि रजिस्ट्रार यांनाही ही नोटीस ई-मेलवर पाठवली गेली आहे.
ज्या विद्यापीठांच्या कुलगुरूंना ही नोटीस पाठवली गेली आहे, त्यामध्ये केरळ विद्यापीठ, महात्मा गांधी विद्यापीठ, विज्ञान आणि तंत्रज्ञान विद्यापीठ कोचीन, केरला युनिव्हर्सिटी ऑफ फिशरीज अँड ओशन स्टडीज, कन्नुर विद्यापीठ, एपीजे अब्दुल कलाम तंत्रज्ञान विद्यापीठ, श्री शंकराचार्य संस्कृत विद्यापीठ, युनिव्हर्सिटी ऑफ कॅलिकत, थुनचथ एझुथचन मल्याळम विद्यापीठ या विद्यापीठांच्या कुलगुरूंचा समावेश आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.