कर्नाटकच्या गृहनिर्माण आणि पायाभूत सुविधा विकास मंत्री व्ही सोमन्ना यांनी भर कार्यक्रमात एका महिलेच्या कानशिलात लगावली. कर्नाटकातील चामराजा नगर जिल्ह्यातील हंगला गावात ही घटना घडली. या कार्यक्रमात जमिनीचे मालकी हक्क वाटप करण्यात आले, एका महिलेला ते मिळाले नाही त्यावर तीने तक्रार केली. मात्र संतापलेल्या मंत्र्यांनी महिलेच्या थेट कानशिलात लगावली. आश्चर्याची बाब म्हणजे थप्पड मारली असतानाही महिलेने मंत्र्याच्या पाया पडताना दिसली.
या कार्यक्रमासाठी सोमन्ना दुपारी 3.30 वाजता पोहोचणार होते, मात्र ते 2 तास उशिरा पोहोचले. 175 जणांना जमिनीचे मालकी हक्क दिले. ज्या महिलेला थप्पड मारली तिला जमिनीचा मालकी हक्क न मिळाल्याने तिचा राग अनावर झाला. यावेळी मंत्री सोमन्ना यांनी महिलेला थप्पड मारली. मात्र, नंतर मंत्री महोदयांनी याबाबत माफीही मागितली.
सध्या या घटनेचा व्हिडिओ सोशल मिडियावर मोठ्या प्रमाणात व्हायरल होत आहे. मंत्र्यांच्या या कृतीवर अनेकांनी टीका केली आहे. तसेच हे वर्तन योग्य नसल्याचे म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.