माजी केंद्रीय मंत्री रामचंद्र प्रसाद सिंह (Ramchandra Prasad Singh) यांनी जनता दल युनायटेड (JDU) च्या प्राथमिक सदस्यत्वाचा राजीनामा दिला. भ्रष्टाचाराच्या आरोपांदरम्यान आरसीपी सिंह यांनी हे पाऊल उचलले असल्याचे सांगितले जात आहे. आरसीपी सिंह यांनी आज त्यांच्या गावात पत्रकार परिषदेत जेडीयू सोडण्याची घोषणा केली. (Former Union Minister Ramchandra Prasad Singh resigned from primary membership of Janata Dal United)

तसेच बिहारचे मुख्यमंत्री नितीश कुमार (Nitish Kumar) यांचा पक्ष जनता दल युनायटेडने आज पक्षाचे माजी राष्ट्रीय अध्यक्ष आरसीपी सिंग यांच्याकडून पक्षाच्या काही कार्यकर्त्यांनी लावलेल्या भ्रष्टाचाराच्या गंभीर आरोपांवर स्पष्टीकरण देखील मागितले आहे. पक्षाचे प्रदेशाध्यक्ष उमेश सिंह कुशवाह यांनी माजी केंद्रीय मंत्री आरसीपी सिंह यांच्याकडे उत्तर मागितले होते तर सिंग यांचा राज्यसभेतील कार्यकाळ नुकताच संपला पण पक्षाने त्यांना पुन्हा सभागृहात पाठवलेले नाही.