Former Australian Cricketer Bob Simpson Dies Dainik Gomantak
देश

Cricketer Dies: क्रिडाविश्वात खळबळ, पहिला वर्ल्ड कप जिंकून देणार्‍या क्रिकेटपटूचं निधन

Former Australian Cricketer Bob Simpson Dies At 89: ऑस्ट्रेलियाचे दिग्गज क्रिकेटपटू बॉब सिम्पसन यांचे निधन झाले आहे. ऑस्ट्रेलियन क्रिकेटला मोठ्या उंचीवर नेण्यात सिम्पसन यांनी महत्त्वाची भूमिका बजावली.

Sameer Amunekar

Former Australian Cricketer Bob Simpson Dies At 89

ऑस्ट्रेलियाचे माजी कसोटी कर्णधार आणि दिग्गज खेळाडू बॉब सिम्पसन यांचे वयाच्या ८९ व्या वर्षी निधन झाले. ते ऑस्ट्रेलियन क्रिकेटच्या इतिहासातील सर्वात प्रभावशाली खेळाडूंपैकी एक होते. नंतर ते ऑस्ट्रेलियाचे पूर्णवेळ प्रशिक्षकही बनले आणि त्यांच्या प्रशिक्षणाखाली ऑस्ट्रेलियाने यशाचे नवे विक्रम रचले.

१९८६ मध्ये ऑस्ट्रेलियन क्रिकेट संघ त्याच्या सर्वात वाईट काळातून जात होता. त्यानंतर बॉब सिम्पसन ऑस्ट्रेलियन संघात सामील झाले आणि प्रशिक्षक म्हणून त्यांनी संघ पूर्णपणे बदलला. त्यांनी कर्णधार अॅलन बॉर्डरसोबत कठोर परिश्रम केले आणि तरुण खेळाडूंना संघात आणण्यात महत्त्वाची भूमिका बजावली. या खेळाडूंमध्ये डेव्हिड बून, डीन जोन्स, स्टीव्ह वॉ, क्रेग मॅकडर्मॉट आणि मर्व्ह ह्यूजेस यांचा समावेश होता.

पहिला एकदिवसीय विश्वचषक जिंकला

बॉब सिम्पसनने १९८६ मध्ये ऑस्ट्रेलियासाठी प्रशिक्षकपदाची जबाबदारी स्वीकारली आणि त्यानंतर १९९६ मध्ये त्यांनी हे पद सोडले. त्यांच्या प्रशिक्षणाखाली ऑस्ट्रेलियाने पहिले एकदिवसीय विश्वचषक विजेतेपद जिंकले.

त्यानंतर ऑस्ट्रेलियाने अंतिम सामन्यात इंग्लंडचा ७ धावांनी पराभव केला. त्यानंतर १९८९ मध्ये ऑस्ट्रेलियाने अ‍ॅशेस मालिकाही जिंकली.क्रिकेट ऑस्ट्रेलियाने पोस्ट शेअर करत बॉब सिम्पसन यांच्या निधनाबद्दल शोक व्यक्त केलाय.

बॉब सिम्पसनचा खेळाडू म्हणूनही रेकॉर्ड उत्कृष्ट आहे. त्यांनी १९५७ मध्ये ऑस्ट्रेलियाकडून कसोटी क्रिकेटमध्ये पदार्पण केले आणि त्यानंतर ६२ कसोटी सामन्यांमध्ये एकूण ४८६९ धावा केल्या, ज्यामध्ये १० शतके आणि २७ अर्धशतके होती. त्याने कर्णधार म्हणून सर्व शतके केली. त्याने त्याच्या कारकिर्दीतील शेवटचा कसोटी सामना १९७८ मध्ये खेळला. त्याच वेळी, प्रथम श्रेणी क्रिकेटमध्ये त्याच्या नावावर २१०२९ धावा आहेत.

Horoscope: मेष, कर्कसह 'या' 4 भाग्यवान राशींसाठी आजचा दिवस 'गोल्डन' ठरणार! अचानक धनलाभाचे योग आणि करिअरमध्ये प्रगती निश्चित

India vs Pakistan: टीम इंडियाला हरवण्यासाठी पाकड्यांचा 'मास्टरप्लॅन', शोएब अख्तर, म्हणाला, 'त्या' फलंदाजाला 2 ओव्हर्समध्ये आउट करा

रामा काणकोणकर हल्ला प्रकरण; गुंड जेनिटोसह आठ जणांना 14 दिवसांची न्यायालयीन कोठडी

Goa Children Court: पोटच्या 20 वर्षीय मुलीचा खून करणाऱ्या बापाला जन्मठेप, आठ वर्षानंतर लागला निकाल

आम्ही देशप्रेमी, तू देशद्रोही! गोव्यात आणखी एका सामाजिक कार्यकर्त्याला धमकी, BJP नेत्याने धमकीचा फोन केल्याचा आरोप

SCROLL FOR NEXT