जर तुम्हाला नशिबावर विश्वास नसेल तर ही बातमी वाचून नक्कीच विश्वास बसेल. मध्य प्रदेशातील (MP) पन्ना जिल्ह्यातील एका शेतकऱ्याला (Farmer) उत्खननादरम्यान 6.47 कॅरेटचा हिरा (Farmer found diamond) सापडला आहे. शेतकऱ्याने ही जमीन सरकारकडून भाडेतत्त्वावर घेतली होती. यापूर्वीही शेतकऱ्याला दोन वर्षात पाच वेळा हिरा सापडला आहे. प्रभारी हिरा अधिकारी नूतन जैन यांनी प्रकाश मजुमदार यांना शुक्रवारी जरुआपूर गावात एका खाणीत हिरा सापडला असल्याचे सांगतिले.
हिऱ्याची निलामी होणार
प्रभारी अधिकारी नूतन जैन यांनी सांगितले की, "लवकरच या हिऱ्याचा लिलाव केला जाईल आणि त्याची किंमत सरकारच्या मार्गदर्शक तत्त्वांनुसार निश्चित केली जाईल. तज्ञांच्या मते, 6.47 गुणवत्तेच्या हिऱ्याची किंमत सुमारे 30 लाख असेल." प्रकाश मजुमदार यांनी सांगितले की, लिलावानंतर या हिऱ्यातून येणारी रक्कम चार भागात वाटून घेण्यात येणार आहे.
या आधीही शेतकऱ्याला हिरे सापडले आहेत
मजुमदार यांनी सांगितले की, "आम्हाला खाणकाम करत असताना 6.47 कॅरेटचे हिरे सापडले आहेत, गेल्या वर्षीही उत्खननात 7.44 कॅरेटचे हिरे आम्हाला सापडले होते. जे दोन ते अडीच कॅरेटचे होते आणि असे चार हिरे आम्हाला खाणीत सापडले आहेत." लिलावानंतर जी काही रक्कम प्राप्त होईल, त्यातून कर वजा केल्यानंतर येणारी उर्वरित रक्कम शेतकऱ्याला दिली जाईल, असे अधिकाऱ्यांनी सांगितले.
पन्ना जिल्ह्यात 12 लाख कॅरेटचे हिरे असल्याचा अंदाज आहे. हिरे राखीव क्षेत्रात, सरकारने शेतकरी आणि मजुरांना भाडेपट्टीवर लहान लहान जमिनिचे तुकडे दिले आहेत. या जमिनीत हिरा सापडल्यानंतर शेतकऱ्यांना तो हिरा जिल्हा खाण अधिकाऱ्यांकडे जमा करावा लागतो.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.