दिल्लीतील कथित दारू धोरण घोटाळ्याशी संबंधित मनी लाँड्रिंग (Money Laundering Case) प्रकरणाच्या संदर्भात अंमलबजावणी संचालनालयाचे पथक 35 ठिकाणी शोध मोहीम राबवत आहे. ईडीचे (ED) पथक दिल्ली आणि पंजाबमध्ये छापे टाकत आहे.

दिल्लीच्या आम आदमी पक्षाच्या सरकारवर 2021-22 च्या अबकारी धोरणांतर्गत घोटाळा केल्याचा आरोप आहे. या प्रकरणी दिल्लीचे उपमुख्यमंत्री मनीष सिसोदिया यांच्याविरोधातही एफआयआर (FIR) दाखल करण्यात आला आहे. सीबीआय (CBI) आणि ईडीने सिसोदिया यांच्याविरोधात गुन्हा दाखल केला आहे. 

16 सप्टेंबर रोजी ईडीने 6 राज्यांतील 40 ठिकाणी छापे टाकले होते. यापूर्वी 6 सप्टेंबर रोजी ईडीने अनेक राज्यांतील ठिकाणांवर छापे टाकले होते. त्याचवेळी, या प्रकरणातील आरोपी आणि आम आदमी पक्षाचा संवाद रणनीतीकार विजय नायर याला दिल्लीतील राऊस अव्हेन्यू कोर्टाने 20 ऑक्टोबरपर्यंत सीबीआय कोठडी सुनावली आहे