बुधवारी पहाटे देशाच्या विविध भागात भूकंपाचे(Earthquake) धक्के जाणवले आहेत . राजस्थान(Rajasthan), मेघालय(Meghalaya)आणि लडाखमध्ये(Ladakh) हे हादरे जाणवले असून तिथले लोक चिंतेत आहेत. यात राजस्थानमधील बीकानेरमध्ये(Bikaner) 5.3 तीव्रतेच्या भूकंपाचा समावेश असून याशिवाय मेघालयातही भूकंपाचे धक्के जाणवले. नॅशनल सेंटर फॉर सिस्मॉलॉजीने माहिती दिली आहे की राजस्थानच्या बिकानेर येथे पहाटे 5:24 वाजता भूकंपाचे धक्के जाणवले. रिश्टर स्केलवर त्याची तीव्रता 5.3 मोजली गेली असल्याचे सांगितले जात आहे.(Earthquake in Rajasthan,Meghalya and Ladakh today)

त्यासोबतच पहाटे साडेचारच्या सुमारास लेह-लडाख भागातही भूकंपाचे धक्के जाणवले असून यावेळी भूकंपाची तीव्रता रिश्टर स्केलवर 3.6 इतकी होती.तत्पूर्वी, नॅशनल सेंटर फॉर सिस्मोलॉजीने सांगितले होते की मेघालयातील वेस्ट गारो हिल्स भागात पहाटे 2.10 वाजता हा भूकंप झाला. या भूकंपाची तीव्रता रिश्टर स्केलवर 4.1 वर मोजली गेली.

यापूर्वी 18 जुलै रोजीही गुजरातमधील कच्छ येथे भूकंपाचे सौम्य धक्के जाणवले होते. तसेच यापूर्वीही 11 दिवसांपूर्वी मेघालयातहि भूकंपाचे धक्के जाणवले होते मात्र त्यावेळी कुठलीही जिवीत हानी झाली नव्हती 15 जुलै रोजी हिमाचल प्रदेशातील शिमला येथे रिश्टर स्केलवर 3.6 तीव्रतेच्या भूकंपाचा धक्का बसला होता.

भूकंपाची तीव्रता कमी असल्याने मेघालय आणि लडाखमध्ये कोणत्याही प्रकारचे नुकसान झाले नाही अशी माहिती प्रशासनाकडून देण्यात अली आहे.