Andaman Nicobar Earthquake: आज पहाटे 5:40 वाजता निकोबार बेटांवर रिश्टर स्केलवर 5.0 तीव्रतेचा भूकंप झाला असल्याची माहीती नॅशनल सेंटर फॉर सिस्मॉलॉजीने ( एनसीएस ) दिली आहे.

आज सकाळी पहाटे हा भूंकप झाला असून त्याची खोली 10 किलोमीटर इतकी नोंदवली गेली आहे. दरम्यान आत्तापर्यंत कोणतीही जीवीतहानी किंवा आर्थिक हानी झाल्याची माहीती मिळू शकली नसल्याचे एनसीएसने म्हटले आहे.

दरम्यान, 29 जुलैला अंदमान आणि निकोबारमध्ये भूकंपाचे धक्के जाणवले होते. या भूकंपाची तीव्रता 5.8 मॅग्नीट्युड रिश्टर स्केल इतकी दर्शवली होती. रात्री 12.53 ला झालेला हा भूकंप पोर्ट ब्लेअर पासून दक्षिण पूर्वेला 126 किलोमीटर झाल्याची माहीती एनसीएसने ट्वीट करत दिली होती. आता झालेल्या या भूकंपात कोणती जीवीत हानी झाली आहे का हे पाहणे महत्वाचे आहे.