देशात मागील काही दिवसांपसून पेट्रोल-डिझेलच्या (Petrol-diesel) किंमती गगनाला भिडल्या होत्या. अनेक राज्यांमध्ये पेट्रोलचे दर 120 रुपयांच्या पार गेले होते. तर डिझेलचे (Diesel) दरही तब्बल 100 रुपयांवर पोहोचले होते. परंतु भारत सरकारने (Government of India) दिवाळीच्या मुहुर्तावर देशवासीयांना दिलासा देत उत्पादन शुल्कामध्ये (excise duty) कपात करण्याचा निर्णय घेतला आहे. त्यामुळे आता पेट्रोलचे दर 5 तर डिझेलचे दरही 10 रुपयांनी कमी झाले आहे. मात्र भारत सरकारच्या या निर्णयानंतरही कॉंग्रेसने निशाणा साधला आहे. कॉंग्रेस नेते आणि प्रवक्ते रणदीप सुरजेवाला (Randeep Surjewala) यंनी भारत सरकारच्या पेट्रोल दरकपातचीच्या निर्णयाला जुमला म्हटले आहे. त्याचबरोबर कॉंग्रेस सरकारच्या काळात पेट्रोल आणि डिझेलवर असलेल्या उत्पादन शुल्काच्या आणि केंद्र सरकारच्या काळातील उत्पादन शुल्काची आकडेवारीच जाहीर केली आहे.

दरम्यान, कॉंग्रेसच्या काळातील उत्पादन शुल्क सध्याच्या उत्पादन शुल्क पेट्रोलवर तिप्पट अधिक असल्याचे दिसून येते. तर, डिझेलवरही उत्पादन शुल्क सात पटीने अधिक असल्याचे दिसून येते. त्यावरुनच, कॉंग्रेस प्रवक्ते रणदीप सुरजेवाला यांनी मोदी सरकारवर निशाणा साधला आहे. ये जुमलेबाजी नही चलेगी असही त्यांनी यावेळी म्हटले आहे.