Accused in Delhi murder case. Dainik Gomantak.
देश

Sakshi Case: साक्षी हत्याकांडात पोलिसांना मिळाले महत्त्वाचे पुरावे; साहिलचे तीन मित्रही रडारवर

Delhi Murder : साक्षी या १६ वर्षीय मुलीची दिल्लीत हत्या करणाऱ्या आरोपी साहिलनंतर त्याचे तीन मित्रही पोलिसांच्या रडारवर आहेत. दरम्यान, पोलिसांना एक महत्त्वाचा पुरावाही मिळाला आहे.

Ashutosh Masgaunde

Shahbad Dairy Murder Case:

दिल्लीतील शाहबाद डेअरी परिसरात साक्षी हत्याकांडातील आरोपीला अटक केल्यानंतर या प्रकरणातील नवीन गुपिते उघड होत आहेत. याप्रकरणी दिल्ली पोलिसांना महत्त्वाचे पुरावे मिळाले आहेत.

साहिलने ज्या चाकूने साक्षीवर निर्घृण हल्ला केला तो चाकू दिल्ली पोलिसांनी जप्त केला आहे. एवढेच नाही तर या प्रकरणी आता पोलीस साहिल आणि त्याच्या तीन मित्रांना अटक करून त्यांना बेड्या ठोकू शकतात.

वास्तविक, हत्येमध्ये वापरलेला चाकू जप्त करण्यात आल्याची माहिती दिल्ली पोलिसांनी दिली आहे. दुसरीकडे, न्यायालयाने आरोपी साहिलच्या पोलीस कोठडीत दोन दिवसांची वाढ केली आहे.

रिपोर्टनुसार, आरोपी सतत आपले जबाब बदलत आहे. या प्रकरणी पोलीस अधिकारी रवी कुमार सिंह यांनी सांगितले की, 16 वर्षीय तरुणीची चाकूने भोसकून हत्या करण्यात आली आहे. आरोपी साहिलने वापरलेला चाकू दिल्ली पोलिसांनी जप्त केला आहे.

चाकू कुठून आणला होता?

खून प्रकरणाच्या तपासादरम्यान दिल्ली पोलिसांनी सांगितले की, हत्येसाठी वापरलेला चाकू दिल्लीबाहेर हरिद्वारमधून विकत आणला होता.

साहिलने हा चाकू साक्षीला मारण्यासाठीच विकत घेतला होता की याआधीही त्याद्वारे कुणाला जखमी केले होते, याचा शोध घेतला जात आहे.

पोस्टमार्टम रिपोर्टवर डॉक्टरांनी काय सांगितले?

तपासात असे निष्पन्न झाले आहे की साहिलने साक्षीवर चाकूने इतके हल्ले केले होते की तिच्या शरीराचे अनेक भाग निकामी झाले होते. या हल्ल्यांमुळे खूप रक्त वाया गेले होते.

साक्षीच्या मृतदेहाचे पोस्टमॉर्टम करणाऱ्या डॉक्टरांनी पोलिसांना सांगितले की, साक्षीचे बहुतेक अवयव निकामी झाले होते. अवयव निकामी झाल्याने आणि जास्त रक्तस्त्राव झाल्याने साक्षीचा मृत्यू झाला.

दुसरीकडे, दिल्ली पोलिसांनी आपला तपास तीव्र केला असून आतापर्यंत साक्षीचे मित्र प्रवीण आणि भावना, भावनाचे मित्र झाब्रू आणि नीतू यांचे जबाब घेण्यात आले आहेत.

साक्षी नीतूच्या घरी राहत होती. आरोपी साहिलबद्दल लोकांचे म्हणणे होते की तो खूप लाजाळू होता. मात्र, त्याच्या भांडणामुळे कुटुंबाला कॉलनी बदलावी लागली.

साहिलचे मित्र रडारवर

हत्येपूर्वीचे सीसीटीव्ही फुटेज तपासल्यानंतर साहिलचे मित्रही हत्येच्या वेळी जवळपास होते, असे निष्पन्न झाले आहे. वीरू, आझाद आणि प्रदीप अशी साहिलच्या जवळच्या मित्रांची ओळख पटली आहे.

पोलिसांच्या पथकाने वीरूच्या घरावरही छापा टाकला. पोलिसांनी साहिलचे कॉल डिटेल रेकॉर्ड काढले असून, त्यात त्याने आझादशी हत्येबाबत बोलल्याचे उघड झाले आहे, त्यामुळेच त्याला पकडण्यात आले आहे. पोलिसांना जाणून घ्यायचे आहे की साहिल तिच्याशी काय बोलला?

रिपोर्टनुसार, दिल्ली पोलीस साहिलशी संबंधित असलेल्या मुलांची ओळख पटवत आहेत ज्यांना चौकशीसाठी अटक केली जाऊ शकते. पोलिसांनी एका मुलाला तपासात सहभागी होण्यासाठी नोटीस दिली आहे, जो अल्पवयीन आहे आणि साक्षीचा जुना मित्र असल्याचे सांगितले जाते.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT