सध्या सोशल मीडियावर एक व्हिडिओ जबरदस्त व्हायरल होत आहे, जो पाहून कोणीही अवाक होईल. या व्हिडिओमध्ये दिसतं की दोन तरुण बाईकवरून जात आहेत, आणि त्यापैकी मागे बसलेला तरुण आपल्या हातात एक महाकाय मगर धरून आहे. हा दृश्य पाहून प्रथमदर्शनी वाटतं की एखाद्या चित्रपटातील धाडसी प्रसंग पाहतोय. व्हिडिओ पाहून अनेकांच्या अंगावर शहारे आले.

व्हिडिओमध्ये दोघंही तरुण त्या मगरला घेऊन आरामात गाडीवरून जात आहेत, जणू काही ही मगर त्यांच्या घरचा पाळीव प्राणी आहे. यामुळे अनेक सोशल मीडिया युजर्सने यावर प्रतिक्रिया देताना आश्चर्य व्यक्त केलं. काहींनी लिहिलं, “रेस्क्यू टीमलाही एवढं धाडस नसतं!”, तर काहींनी याला अतिशय धोकादायक प्रकार असं म्हटलं आहे.

या व्हिडिओच्या मागचं खरं सत्य जेव्हा समोर आलं, तेव्हा अनेकांना धक्का बसला. हा व्हिडिओ खरा नसून एआय (Artificial Intelligence) च्या मदतीने तयार केलेला आहे.

व्हिडिओचे फ्रेम्स बारकाईने पाहिल्यानंतर त्यामध्ये अनेक त्रुटी दिसून आल्या मगर हलताना तिच्या हालचालींमध्ये सुसंगतता नव्हती, तर काही भागांमध्ये 'डीपफेक'सदृश परिणाम जाणवत होते.

अनेक डिजिटल तज्ज्ञांनी यावर भाष्य करत स्पष्ट केलं की हा व्हिडिओ एक बनावट क्लिप आहे जी सोशल मीडियावर लोकांचं लक्ष वेधण्यासाठी बनवण्यात आला आहे.

इंटरनेटवर आणि विशेषतः सोशल मीडियावर फॉरवर्ड केल्या जाणाऱ्या व्हिडिओजविषयी सावध राहणं गरजेचं आहे. आर्टिफिशियल इंटेलिजेंस आणि डीपफेक टेक्नॉलॉजीमुळे अशा बनावट क्लिप्स तयार करणं आता सहज शक्य झालं आहे.