सध्या सोशल मीडियावर एक धक्कादायक आणि तितकाच चर्चेत असलेला व्हिडिओ मोठ्या प्रमाणात व्हायरल होत आहे. या व्हिडिओमध्ये एक तरुणी सार्वजनिक रस्त्यावर आपल्या बॉयफ्रेंडसोबत अतिशय धोकादायक पद्धतीने रोमान्स करताना दिसते. ही दृश्यं पाहून अनेकांनी आश्चर्य व्यक्त केलं आहे, तर काहींनी त्यांच्या या वागण्यावर टीकाही केली आहे.

व्हिडिओमध्ये स्पष्टपणे दिसतं की, एक तरुण रस्त्यावर भरधाव वेगाने बाईक चालवत आहे आणि त्याच्या समोर बाईक टँकवर एक तरुणी बसलेली आहे. विशेष म्हणजे, ती तरुणी आपल्या बॉयफ्रेंडला घट्ट मिठी मारत आहे आणि दोघंही रस्त्यावरुन बिनधास्तपणे प्रवास करत आहेत.

हे दृश्य उत्तर प्रदेशातील नोएडा येथील यमुना एक्सप्रेसवेवरील सेक्टर ९४ परिसरातील असल्याचे समोर आले आहे. ही दृश्यं पाहून सोशल मीडियावर अनेकांनी संताप व्यक्त केला आहे.

हा प्रकार केवळ सार्वजनिक शिस्तभंग नव्हे तर इतर वाहनचालकांच्याही सुरक्षेला धोका ठरू शकतो. त्यामुळे या प्रकारावर कठोर कारवाई होण्याची मागणीही नेटकऱ्यांकडून होत आहे.

काही अहवालांनुसार, वाहतूक पोलिसांनी या व्हिडिओची दखल घेत संबंधित वाहन चालकावर कारवाई करत ५३,५०० रुपयांचे चलनही फाडले आहे.

व्हिडिओ पाहिल्यानंतर, सोशल मीडिया वापरकर्त्यांनाही या जोडप्याच्या कृतीवर संताप व्यक्त केला. लोकांनी त्यांच्या कृतीवर तीव्र प्रतिक्रिया व्यक्त केल्या आणि त्यांना "अज्ञानी" म्हटले.

व्हिडिओवर नाराजी व्यक्त करताना एका वापरकर्त्याने लिहिले की, "हवामान आल्हाददायक आहे, परंतु याचा अर्थ असा नाही की रस्ते खाजगी बेडरूम बनवावेत.

डिस्क्लेमर: या बातमीत दिलेली माहिती सोशल मीडिया पोस्टवर आधारित आहे. दैनिक गोमंतक कोणत्याही प्रकारच्या दाव्याची पुष्टी करत नाही.