भारतीय जनता पक्षाची (BJP) सत्ता असलेल्या केंद्र सरकारच्या कामांविरोधात सातत्याने वक्तव्य करणारे कवी मूनव्वर राणा (Munawwar Rana) यांनी पुन्हा एकदा वादग्रस्त वक्तव्य केले आहे. अफगाणिस्तानमध्ये (Afghanistan) सत्ता काबीज केलेल्या तालिबानबद्दल (Taliban) बोलताना राणा यांनी या विषयावर एक वादग्रस्त विधान केले आहे. अफगाणिस्तानमध्ये तालिबानी जे करत आहेत त्यापेक्षा जास्त क्रूरता भारतात आहे, आम्ही दंगली आयोजित करण्यात जागतिक नेते आहोत असे विधान मुनव्वर राणा यांनी यावेळी केले आहे.

उत्तर प्रदेशात तबिलानचे समर्थन करणाऱ्यांची संख्या दिवसेंदिवस वाढत असल्याचे बोलले जाते आहे, कारण समाजवादी पक्षाचे खासदार डॉ शफीकुर रहमान बुरके, ऑल इंडिया मुस्लिम पर्सनल लॉ बोर्डचे प्रवक्ते आणि माजी मंत्री मौसाना मसूद मदानी यांच्यानंतर आता प्रसिद्ध कवी मूनव्वर राणा यांनीही तालिबानी दहशतवाद्यांना प्रत्यक्ष किंवा अप्रत्यक्षपणे समर्थन केले आहे.

कवी मुनावर राणा एवढ्यावरच थांबले नाहीत, तर त्यांनी संभलचे खासदार डॉ शफीकुर रहमान यांचीही पाठराखण केली. डॉ.बर्क यांनी तालिबानच्या बाजूने केलेल्या विधानाचे समर्थन करताना. कवी राणा म्हणाले की, ‘तालिबानी वाईट लोक नाहीत. परिस्थितीमुळे ते तसे झाले आहेत. त्यांच्यावर विश्वास ठेवला जाऊ शकतो.’

संभल समाजवादी पक्षाचे खासदार शफीकुर रहमान बुरके यांच्यानंतर आता प्रसिद्ध कवी मूनव्वर राणा देखील तालिबानच्या समर्थनार्थ करताना दिसले आहेत. राणा म्हणाले की, तालिबान्यांनी सत्तेवर कब्जा करून काहीही चुकीचे केले नाही, असा त्यांचा विश्वास आहे. अफगाणिस्तानवर ताबा घेऊन तालिबान्यांनी खरं तर अफगाणिस्तानला मुक्त केले आहे.