Mallikarjun Kharge & Shashi Tharoor Dainik Gomantak
देश

Congress President Election: खर्गे तयार, दिग्विजयांची माघार; अध्यक्षपदासाठी शशी थरूर, मल्लिकार्जुन खर्गे मैदानात

के. एन त्रिपाठी यांनी देखील भरला उमेदवारी अर्ज

गोमन्तक डिजिटल टीम

Congress President Election: काँग्रेस अध्यक्षपदाच्या निवडणुकीसाठी उमेदवारी अर्ज दाखल करण्याचा आज अखेरचा दिवस आहे. काँग्रेसच्या गोटातून आज अनेक घडामोडी समोर आल्या. अध्यक्षपदाच्या शर्यतीत असलेले दिग्विजय सिंह (Digvijay Singh) यांनी या आपण उमेदवारी अर्ज दाखल करणार नसल्याचे जाहीर केल्याने नवा ट्विस्ट निर्माण झाला आहे. तर, मल्लिकार्जुन खर्गे (Mallikarjun Khadge) अध्यक्षपदासाठी मैदानात उतरले आहेत. त्यामुळे काँग्रेस अध्यक्षपदाची निवडणूक शशी थरूर, मल्लिकार्जुन खर्गे (Mallikarjun Kharge & Shashi Tharoor) यांच्यात रंगणार असे दिसत आहे.

तसेच, झारखंड येथील काँग्रेस नते के. एन त्रिपाठी यांनी देखील काँग्रेस अध्यक्षपदाच्या निवडणुकीसाठी उमेदवारी अर्ज भरला आहे.

दिग्विजय सिंह म्हणाले, “खर्गे हे माझे वरिष्ठ आहेत. मी काल त्यांच्या निवासस्थानी गेलो होतो आणि त्यांना सांगितले की त्यांनी जर त्यांनी उमेदवारी अर्ज भरला तर मी माझा उमेदवारी अर्ज दाखल करणार नाही. त्यांनी सांगितले होते की ते अर्ज दाखल करणार नाहीत. परंतु नंतर मला असे समजले की ते उमेदवारी अर्ज दाखल करत आहेत.”

मिळालेल्या माहितीनुसार, मल्लिकार्जुन खर्गे आणि शशी थरूर काँग्रेस अध्यक्षपदाच्या निवडणुकीसाठी आज उमेदवारी अर्ज दाखल करणार आहेत. अध्यक्षपदाच्या निवडणुकीसाठी 17 ऑक्टोबर रोजी मतदान होणार आहे. यापूर्वी मल्लिकार्जुन खर्गे राज्यसभेतील विरोधी पक्षनेतेपदाचा राजीनामा देणार आहेत.

गांधी घराण्यासोबत जवळीक असणारे ज्येष्ठ नेते केसी वेणुगोपाल यांनी खर्गे यांना हायकमांडच्या निर्णयाची माहिती दिली. गांधी कुटुंब या निवडणुकीत निष्पक्ष असेल आणि खर्गे अध्यक्षपदाची निवडणूक लढवू शकतात. असे वेणुगोपाल म्हणाले. राजस्थानचे मुख्यमंत्री अशोक गेहलोत यांनाही हाच नियम लागू करत साईड लाईन करण्यात आले. अशोक गेहलोत यांनी गुरुवारी सोनिया गांधी यांची भेट घेतल्यानंतर अध्यक्षपदाच्या शर्यतीतीन माघार घेतली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Assmbly Live: पोट निवडणूकीत सद्गुरू गावडे विजयी

Ukraine Attack: युक्रेनचा रशियाच्या तेल गोदामावर हल्ला! स्फोटानंतर भडकली आग; रशियाने डागली 7 क्षेपणास्त्रे, 76 ड्रोन

Himachal Rain: 307 रस्ते बंद, 100 पेक्षा जास्त मृत्यू; जोरदार पावसामुळे हिमाचलमध्ये जनजीवन विस्कळित

Goa Leopard: रात्री 11 वाजता कुत्र्याला पळवले, शिगाव परिसरात बिबट्याचा धुमाकूळ; ग्रामस्थांची उडाली झोप

Mandovi Bridge Accident: मांडवी पुलाजवळ भीषण अपघात! कारला दुचाकी धडकल्या; दोन्ही चालक गंभीर जखमी

SCROLL FOR NEXT