छत्तीसगडचे मुख्यमंत्री भूपेश बघेल यांनी रविवारी भाजप आणि राष्ट्रीय स्वयंसेवक संघावर (RSS) जोरदार प्रहार केला. भगवान रामाची प्रतिमा रॅम्बोसारखी बनवल्याचा आरोप बघेल यांनी केला आहे. ते पुढे म्हणाले की, भाजप-आरएसएसने हनुमानाला क्रोधाचे प्रतीक बनवले आहे. माध्यमाला दिलेल्या मुलाखतीत त्यांनी सांगितले की, भारत (India) "प्रक्षोभक आणि आक्रमक राष्ट्रवादाच्या" टप्प्यातून जात आहे. (Chhattisgarh Chief Minister Bhupesh Baghel criticized the BJP and the Rashtriya Swayamsevak Sangh)

“एप्रिलमध्ये, संपूर्ण भारतातून जातीय संघर्षाची नोंद झाली. इथे मतभेदाला जागा उरलेली नाही." ही वेळ निघून जाईल आणि काँग्रेस (Congress) परत सत्तेत येईल असेही ते म्हणाले.

ते पुढे म्हणाले, "महात्मा गांधींनीही (Mahatma Gandhi) रामाला पाहिले होते. त्यांचे शेवटचे शब्द 'हे राम' होते आणि ते रघुपती राघव राजा राम म्हणत असत. परंतु आज भाजप आणि आरएसएस प्रभु रामाला आक्रमक रुपात पाहत आहे. त्यांनी रामाला 'हे राम' बनवले आहे. हनुमान हे नम्रता, भक्ती आणि शहाणपणाचे प्रतीक आहे, परंतु आज त्यांचे आक्रमक पोस्टर्स भाजपकडून लावण्यात येत आहेत. त्याचबरोबर प्रभु रामाला आक्रमक रुपात दाखवण्याचाही प्रयत्न भाजप करत आहे."