Madhya Pradesh News: मध्य प्रदेशमधील खिलचीपूर शहरातील बसस्थानकावर असलेले चहाचे दुकान लोकांचे लक्ष वेधून घेत आहे. सोशल मीडियावरही या दुकानाची चर्चा होत आहे. या दुकानातील चहापेक्षाही त्याचे नाव लोकांमध्ये चर्चेचा विषय बनले आहे. त्याचे नाव आहे, 'एम बेवफा चाय वाला'.

दरम्यान, तुम्हाला हे नाव भन्नाट वाटत असेल तर या नावामागे एका अयशस्वी प्रियकराची वेदना दडलेली आहे. प्रेयसीच्या प्रेमात फसवणूक झाल्याचे प्रियकर सांगतो. या प्रियकराच्या प्रेयसीचे नाव एम अक्षराने सुरु होते. वास्तविक, प्रेयसीला चिडवण्यासाठी आणि ग्राहकांना (Customers) आकर्षित करण्यासाठी प्रियकराने हे नाव ठेवले आहे.

दुसरीकडे, या दुकानातील चहाच्या किमती बदलतात आणि अतिशय मनोरंजक आधारावर निर्धारित केल्या जातात. उदाहरणार्थ, जर प्रेमळ जोडप्याने या दुकानात चहा प्यायला असेल तर त्यांना एका कप चहासाठी 10 रुपये मोजावे लागतील. तर दिलजले आशिक चहा प्यायला पोहोचला तर त्याला 5 रुपयांची ऑफर मिळेल.

आता हे दुकान उघडणाऱ्या तरुणाबद्दल बोलूया, अंतर गुर्जर असे या तरुणाचे नाव आहे. अंतर सांगतो की, पाच वर्षांपूर्वी एका लग्नानिमित्त आलेल्या मुलीशी माझी भेट झाली होती. पहिल्या भेटीनंतर दोघांची मैत्री झाली. दोघांनी एकमेकांचा मोबाईल नंबर शेअर केला आणि त्यानंतर मोबाईलवर (Mobile) बोलणं सुरु झालं जे दीड वर्ष सुरु राहिलं.