CBSE: केंद्रीय माध्यमिक शिक्षण मंडळाने 22 जुलै 2022 रोजी CBSE बोर्ड इयत्ता 12वीचा निकाल 2022 जाहीर केला आहे. या वर्षी सीबीएसईने टॉपर्सची यादी जाहीर केली नाही किंवा गुणवत्ता यादी ही जाहीर केलेली नाहीत. विद्यार्थ्यांमधील अस्वस्थता टाळण्यासाठी टॉपर्सची नावे आणि गुणवत्ता यादी जाहीर न करण्याचा निर्णय केंद्रीय माध्यमिक शिक्षण मंडळाने घेतला आहे.

या संदर्भात मंडळाने आपल्या विद्यार्थ्यांना प्रथम, द्वितीय किंवा तृतीय श्रेणी प्रदान केलेली नाही. मात्र, बोर्ड या विषयात सर्वाधिक गुण मिळवणाऱ्या ०.१ टक्के विद्यार्थ्यांना गुणवत्ता प्रमाणपत्रे देणार आहे.

यावर्षी उत्तीर्ण होण्याचे प्रमाण 92.71 टक्के आहे, जे गेल्या वर्षीच्या तुलनेत कमी आहे. या परीक्षेत त्रिवेंद्रम जिल्ह्याने ९८.८३ टक्क्यांसह अव्वल आला आहे तर, बेंगळुरू ९८.१६ टक्के आणि चेन्नई ९७.७९ टक्क्यांसह दुसऱ्या क्रमांकावर आहे. मुलांपेक्षा याही वर्षी मुलींचे पास होण्याचे प्रमाण अधिक आहे. ९४.५४ टक्के मुलींनी तर ९१.२५ टक्के मुलांनी परीक्षा पास केली आहे.