नॅशनल स्टॉक एक्सचेंज (NSE) च्या माजी सीईओ आणि एमडी चित्रा रामकृष्ण यांना केंद्रीय अन्वेषण ब्युरो (CBI) ने दिल्लीतून अटक केली आहे. को-लोकेशन प्रकरणात दिल्ली न्यायालयाने त्यांचा अटकपूर्व जामीन फेटाळला होता. या प्रकरणी सीबीआयने आनंद सुब्रमण्यमला यापूर्वीच अटक केली आहे. (CBI arrests Former CEO and MD of NSE Chitra Ramakrishna)

बाजार नियामक CBI च्या नुकत्याच आलेल्या तपासणी अहवालानंतर सीबीआयने (CBI) ही कारवाई केली आहे. वास्तविक, हिमालयात राहणाऱ्या एका अज्ञात 'योगी'सोबत एनएसईशी संबंधित गोपनीय माहिती शेअर केल्याप्रकरणी चित्रा रामकृष्ण यांना चौकशीला सामोरे जावे लागत आहे. या प्रकरणातील आरोपी चित्राची सीबीआयने मुंबईत चौकशी केली आहे. आयकर विभागाने यापूर्वी मुंबई (Mumbai) आणि चेन्नई येथील चित्रा रामकृष्ण यांच्याशी संबंधित ठिकाणांवर छापे टाकले होते.

त्याचवेळी, CBI ने यापूर्वीच चित्राचे सल्लागार आणि NSE चे माजी ग्रुप ऑपरेटिंग ऑफिसर आनंद सुब्रमण्यम यांना अटक केली आहे. सीबीआयच्या म्हणण्यानुसार एनएसईमध्ये 2010 ते 2015 दरम्यान कथित अनियमितता आढळून आली होती. रवी नारायण हे मार्च 2013 पर्यंत NSE चे व्यवस्थापकीय संचालक आणि मुख्य कार्यकारी अधिकारी होते. त्या काळात चित्रा कंपनीच्या डेप्युटी सीईओ होत्या. त्यांनी एप्रिल 2016 मध्ये रवी नारायण यांची जागा घेतली आणि डिसेंबर 2016 पर्यंत त्या पदावर होत्या.