Buxar Road Accident NH 319a 7 Youths Died Dainik Gomantak
देश

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Buxar Road Accident NH 319a 7 Youths Died: बिहारमधून एक भीषण अपघाताची धक्कादायक घटना समोर आली. NH-319A महामार्गावर गुरुवारी रात्री घडलेल्या अपघातात सात तरुणांचा दुर्दैवी मृत्यू झाला.

Manish Jadhav

Buxar Road Accident NH 319a 7 Youths Died: बिहारमधून एक भीषण अपघाताची घटना समोर आली. NH-319A महामार्गावर गुरुवारी रात्री घडलेल्या अपघातात सात तरुणांचा दुर्देवी मृत्यू झाला. या दुर्घटनेमुळे गाझीपूर आणि बक्सर परिसरात शोककळा पसरली. मित्राच्या लग्नाच्या वरातीत निघालेल्या चौघांचा आणि दुचाकीवरील तिघांचा यात बळी गेला. गाझीपूर जिल्ह्यातील भतौरा येथील तरुण कैमूरमधील विशुनपुरा येथे वरातीसाठी जात असताना बक्सरच्या राजपूर हद्दीतील सोनपा गावाजवळ हा अपघात घडला.

गावातील तीन तरुण दुचाकीवरुन घराबाहेर पडून केवळ पन्नास मीटर पुढे गेल्यावर समोरुन भरधाव येणाऱ्या कारने त्यांना धडक दिली. प्रत्यक्षदर्शींच्या माहितीनुसार, कारचा वेग ताशी शंभर किलोमीटरपेक्षा अधिक होता आणि चालकाचा ताबा सुटल्याने ही थरारक दुर्घटना घडली.

या धडकेनंतर कार सुमारे वीस फूट हवेत उडाली, पाच-सहा वेळा पलटी खात दहा फूट खोल पाण्याच्या खड्ड्यावरुन थेट झाडावर जाऊन आदळली. मोठा आवाज ऐकून स्थानिक ग्रामस्थ व प्रत्यक्षदर्शी रविरंजन सिंह, राजेश राय यांनी धाव घेत चक्काचूर झालेल्या कारचे दरवाजे तोडून आतील तरुणांना बाहेर काढले. या भीषण दुर्घटनेत कारमधील तिघांचा जागीच मृत्यू झाला, तर चौघांचा रुग्णालयात (Hospital) उपचारादरम्यान मृत्यू झाला.

मृत्यू झालेल्यांमध्ये उतरौली येथील बावीस वर्षीय अरुण कुमारचा समावेश असून, तो सैन्यात भरती होण्याची तयारी करत होता आणि अपघाताच्या एक दिवस आधीच मामाच्या गावी सोनपा येथे आला होता. त्याच्यासोबत दुचाकीवरील शुभम कुमार (21) आणि शिवम कुमार (18) यांचाही मृत्यू झाला. तर भतौरा गावातील बादल कुमार (30), इरफान अन्सारी (25), अरबाज अली (20) आणि दिव्यांशु ठाकूर (22) या कारमधील तरुणांना प्राण गमवावे लागले. दोन महिन्यांपूर्वीच सेकंड हँड कार घेतलेला चालक छांगुर कुमार ऊर्फ सत्येंद्र (25) हा घटनेनंतर बेपत्ता असून, पोलिस आणि नातेवाईक त्याचा शोध घेत आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

T20 Cricket: दिल्लीचे आव्हान गोव्यासाठी अवघड, 23 वर्षांखालील महिला टी-20 करंडक क्रिकेट स्पर्धेत पराभव

Tiger Conservation: गोव्यातील वाघ गणनेचा अहवाल कुठे अडकला? निष्कर्ष जाहीर करण्याची राजेंद्र केरकर यांची मागणी

Kakoda Sewage Treatment Plant: जुवारीच्या पूरक्षेत्रात सांडपाणी प्रकल्प; खारफुटी नष्ट होत असल्याचा आरोप, न्यायालयाची नोटीस

SCROLL FOR NEXT