बिहारमधील (Bihar) छपरा येथे 24 तासांत विषारी दारूमुळे 8 जणांचा मृत्यू झाला आहे. बुधवारी पूजा झाल्यानंतर गावातील डझनभर लोकांनी दारू प्यायली. 30 हून अधिक लोकांची प्रकृती बिघडली असून त्यापैकी 11 जण आंधळे झाले आहे . या प्रकरणी छपराचे जिल्हा दंडाधिकारी राजेश मीना यांनी शुक्रवारी आठ जणांच्या मृत्यूची माहिती दिली आहे. गुरुवारी जिल्हा दंडाधिकारीही पथकासह गावात पोहोचले होते. यादरम्यान विषारी दारू पिल्याने प्रथमदर्शनी मृत्यू झाल्याचेही सांगण्यात आले.

सारणच्या मकर, भेल्डी, परसा आणि अमनौर पोलीस ठाण्याच्या हद्दीचा भाग फुलवारिया गावातील भाठा टोळीचा आहे. हा परिसर मेकर पोलीस ठाण्यांतर्गत येते. सध्या पटनाच्या (Patana) पीएमसीएचमध्ये डझनहून अधिक लोक दाखल आहेत, तर काही लोकांवर छपरा सदर रुग्णालयात उपचार सुरू आहेत. मृत्युमुखी पडलेल्या आठ जणांची यादीही आली आहे.

मृत्युमुखी पडलेल्या लोकांची नावे

• चंदन महतो, पिता- पारस महतो

• कमल महतो, पिता- कंसी महतो

• धनीलाल महतो, पिता- विजय महतो

• राजनाथ महतो, पिता- पोषण महतो

• चंदेश्वर महतो, पिता- रामायण महतो

• ओमनाथ महतो, पिता- भरोस महतो

• सकलदीप महतो, पिता- भरोस महतो

• चंदेश्वर महतो, पिता- विलास महतो

11 जण झाले आंधळे

सकलदीप महतो, भरोसा महतो, उपेंद्र महतो, धनी महतो, चंदेश्वर महतो, देवा नंद महतो, प्रेम महतो, सुपन महतो, अखिलेश महतो, लखन महतो, भोली महतो हे लोक आंधळे झाले आहे. पाच जणांवर रुग्णालयात (Hospital) उपचार सुरू आहेत. येथे पोलीस अधीक्षक संतोष कुमार यांनी सांगितले की, घटनेचा तपास सुरू आहे. पोलीस आपले काम करत आहेत.