Karnataka Assembly Elections: आगामी कर्नाटक विधानसभा निवडणुकीपूर्वी, बंगळुरु पोलिसांनी सिटी मार्केटजवळ सुमारे 1 कोटी रुपयांची रोकड सापडल्यानंतर दोघांना ताब्यात घेतले आहे.

याबाबतची माहिती मिळाल्यानंतर एसजे पार्क पोलीस घटनास्थळी पोहोचले आणि सिटी मार्केटजवळील एका ऑटो रिक्षामधून रोकड जप्त करण्यात आली.

सुरेश आणि प्रवीण या दोन आरोपींकडे पैशांसंबंधीची कोणतीही कागदपत्रे नव्हती. या दोघांना एका ऑटोमध्ये पैशांनी भरलेल्या दोन बॅगांसह पकडण्यात आले.

दरम्यान, पुढील तपास सुरु असल्याची माहिती पोलिसांनी दिली. यापूर्वी, 6 एप्रिल रोजी पोलिसांनी 50 लाख रुपयांची बेहिशेबी रोकड जप्त केली होती.

"पोलिसांनी (Police) गडग जिल्ह्यातील डुंडूर चेकपोस्टवर एका कारमधून (Car) दिवसभरात 50 लाख रुपयांची बेहिशेबी रोकड जप्त केली," असे या प्रकरणाशी परिचित असलेल्या एका अधिकाऱ्याने सांगितले.

तसेच, राज्यात विधानसभेच्या निवडणुकांमुळे आचारसंहिता (MCC) लागू आहे, ज्यामध्ये योग्य कागदपत्रांशिवाय मोठ्या प्रमाणात रोकड घेऊन जाण्याची परवानगी नाही.