ऑल इंडिया मजलिस-ए-इत्तेहादुल मुस्लीमीन (एआयएमआयएम) चे प्रमुख असदुद्दीन ओवेसी यांच्यावर हापूरच्या छिजारसी टोलनाक्यावर हल्ला झाला यातून ते बचावले आहेत, आम्हाला आधीच संधी मिळाली असती, तर सप्टेंबर महिन्यातच हा हल्ला झाला असता अशी कबुली त्यांनी दिली आहे. ते अधिक प्राणघातक ठरले असते अशी माहिती त्यांनी चौकशीदरम्यान मुख्य आरोपी सचिन शर्मा आणि त्याचा साथीदार शुभम याने पोलिसांना तपासात दिली. सध्या कारागृहात रवानगी झालेल्या दोन्ही आरोपींना आता पोलीस (police) कोठडीत ठेवण्याची तयारी सुरू आहे.

गुरुवारी हापूरच्या छिजारसी टोलवर असदुद्दीन ओवेसी (Asaduddin Owaisi) यांच्यावर ज्या दोन शस्त्रांनी गोळ्या झाडल्या होत्या, ते शस्त्र मेरठच्या किथोर पोलीस स्टेशन हद्दीतील राधना गावातून खरेदी करण्यात आल्या होत्या. मुख्य आरोपी सचिन शर्माकडून एक 9 एमएम पिस्तूल जप्त करण्यात आले आहेत, तर शुभमकडून 32 बोअरचे रिव्हॉल्व्हर जप्त करण्यात आले आहे. या दोन्ही आरोपींच्या प्राथमिक चौकशीत या हल्ल्यामागे अन्य कोणाचीही भूमिका नसल्याचे स्पष्ट झाले. मुख्य आरोपी सचिन शर्माने या संपूर्ण घटनेची योजना आखली आणि त्याचा मित्र शुभमला सोबत घेतले.

सचिनने यापूर्वीही हल्ला करण्याचा प्रयत्न केला होता. सचिन शर्मानेही 3 ते 4 वेळा प्रयत्न केले. ओवेसींच्या सभांना अनेकवेळा पोहोचलो, गर्दीत त्यांच्यापर्यंत पोहोचलो, पण संधी मिळाली नाही. चौकशीदरम्यान सचिन शर्माने ही माहिती दिली.