'द काश्मीर फाइल्स' या चित्रपटाचा वाद अद्याप शमलेला नाही. नेत्यांच्या सततच्या भाषणबाजीमुळे हा चित्रपट चर्चेत आहे. काही दिवसांपूर्वी राष्ट्रवादी काँग्रेसचे अध्यक्ष शरद पवार यांनी 'द काश्मीर फाइल्स'वर म्हटले होते की, काश्मिरी पंडितांच्या पलायनाबद्दल देशभरात खोटे पसरवले जात आहे. खोटे बोलून देशातील वातावरण विषारी करण्याचे प्रयत्न सुरू आहेत.

'द काश्मीर फाईल्स' या चित्रपटावर शरद पवार (Sharad Pawar) काय म्हणाले? : दिल्लीतील एका कार्यक्रमात शरद पवार म्हणाले की, या प्रकारच्या चित्रपटाला प्रदर्शनासाठी परवानगी द्यायला नको होती. याउलट या चित्रपटाला करात सूट दिली जात आहे. शरद पवार पुढे म्हणाले की, देशाला जोडण्याची जबाबदारी ज्यांच्यावर आहे त्यांनी हा चित्रपट पाहावा.

अशोक पंडित यांनी दिले हे उत्तर : आता शरद पवारांच्या या वक्तव्यावर चित्रपट निर्माते अशोक पंडित यांनी प्रतिक्रिया दिली आहे. अशोक पंडित यांनी ट्विटरवर लिहिले की, आदरणीय शरद पवार जी! मी एक काश्मिरी हिंदू (Hindu) आहे आणि तुम्हाला माझ्या मातृभूमीची (काश्मीर) शपथ द्यायची आहे की काश्मीरच्या फाइल्समध्ये जे काही दाखवले आहे ते 100% खरे आहे! आमची हत्या झाली! तुम्ही आमच्यासाठी काही करू शकत नसाल तर करू नका पण आमच्या जखमेवर मिरच्या शिंपडू नका!

लोकांच्या प्रतिक्रिया : आता सोशल मीडियावर (Social media) लोक त्यांच्या प्रतिक्रिया देत आहेत. संदीप वत्स नावाच्या युजरने लिहिले की, अशोक भाई, अशी शपथ घेण्यात काही अर्थ नाही, त्यांच्यावर विश्वास ठेवण्याची गरज नाही. आम्हा 100 कोटी लोकांना माहित आहे की तुम्ही 100% खरे बोलत आहात. नंद नावाच्या युजरने लिहिले की, "अशोक जी, पवार साहेबांना चांगलेच माहित आहे की चित्रपटात सर्व काही बरोबर दाखवले आहे. ते फक्त आणि फक्त आपल्या राजकीय स्वार्थासाठी आणि काही मतांसाठी हे सर्व बोलत आहेत.