दिल्लीतील शोभा यात्रेदरम्यान उसळलेल्या हिंसाचारानंतर (Jahangirpuri Violence) आता एमसीडी जहांगीरपुरी भागातील अवैध अतिक्रमण हटवण्याची कारवाई करणार आहे. या भागातील अवैध धंदे हटवण्यासाठी इथे 400 हून अधिक सुरक्षा कर्मचारी तैनात करण्यात आले आहेत. या कारवाईचा संदर्भ देत AIMIM प्रमुख असदुद्दीन ओवेसी (Asaduddin Owaisi) यांनी भाजपवर (BJP) जोरदार हल्ला केला. प्रशासनाच्या या कारवाईबाबत त्यांनी सोशल मीडियावर ट्विटही केले आहे. (Asaduddin Owaisi has criticized the Narendra Modi government)

दरम्यान, भाजपने गरिबांच्या विरोधात युद्ध पुकारले आहे, असे ओवेसी यांनी आपल्या ट्विटमध्ये म्हटले आहे. अवैध अतिक्रमण हटवण्याच्या नावाखाली हे लोक यूपी, एमपी प्रमाणे दिल्लीतही (Delhi) लोकांची घरे पाडत आहेत. या लोकांना नोटीसही मिळाली नाही, कोर्टात जाण्याची संधीही दिली नाही. गरीब मुस्लिमांना शिक्षा होत आहे, कारण त्यांनी जगण्याचे धाडस दाखवले आहे. या संपूर्ण प्रकरणावर अरविंद केजरीवाल यांनी आपली भूमिका स्पष्ट करावी.

तसेच, दिल्लीचे मुख्यमंत्री अरविंद केजरीवाल (Arvind Kejriwal) यांच्या सरकारचा पीडब्ल्यूडी विभागही या मोहिमेचा एक भाग आहे का, असा सवालही ओवेसी यांनी केला. जहांगीरपुरीच्या जनतेने त्यांना मतदान केले नाही का, ही कृती त्या लोकांचा विश्वासघात नाही का, भ्याडपणा नाही का? पोलिस आमच्या पाठीशी नाहीत, ही सबब आता चालणार नाही. आता सरकार नैतिकता आणि कायदेशीरपणाचा आव आणत आहे, असेही ओवेसी यांनी म्हटले.

याशिवाय, हनुमान जयंतीनिमित्त दिल्लीच्या जहांगीरपुरी भागात अचानक हिंसाचार झाला, ज्याच अनेक लोक जखमी झाले. यादरम्यान एका पोलिसालाही गोळी लागली. या प्रकरणी आतापर्यंत 20 हून अधिक जणांना अटक करण्यात आली आहे, तर एनएसए अंतर्गत पाच जणांवर गुन्हा दाखल करण्यात आला आहे.