नवी दिल्ली : आपचे सर्वेसर्वा आणि दिल्लीचे मुख्यमंत्री अरविंद केजरीवाल कोरोना पॉझिटिव्ह आले आहे. ट्वीट करत केजरीवालांनी ही माहिती दिली आहे. मात्र केजरीवालांनी ट्वीट करताच नेटकऱ्यांनी त्यांना ट्रोल करण्यास सुरुवात केली आहे.

नेटकऱ्यांनी केजरीवालांचा (Arvind Kejriwal) प्रचार रॅलीतील एक फोटो शेअर केला आहे आणि त्याला कॅप्शनही दिलं आहे. 'दोज हू केम इन टच' अशा कमेंट करत नेटकऱ्यांनी केजरीवालांना ट्रोल केलं आहे. अरविद केजरीवाल गेल्या काही दिवसात गोव्यासह पंजाब चंदीगडमध्येही रॅली आयोजित केल्या होत्या. याच रॅलीतील फोटो (Photo) नेटकऱ्यांनी शेअर केले आहेत. गोव्यातील प्रचारसभेत केजरीवालांनी

कोरोनाची (Corona) सौम्य लक्षणे आढळल्याने अरविंद केजरीवाल यांनी आपली चाचणी करुन घेतली. केजरीवालांची कोरोना चाचणी पॉझिटिव्ह आल्याने त्यांनी आपल्या संपर्कात आलेल्यांना काळजी घेत लक्षणे आढळल्यास टेस्ट करुन घेण्याचं आवाहन केलं आहे. दरम्यान गेल्या काही दिवसात राजकारण्यांसह सेलिब्रिटीही कोरोनाच्या जाळ्यात सापडल्याचं समोर आलं आहे.