Another Seema Haider Dainik Gomantak
देश

सीमा हैदरसारखी आणखी एक घटना, 24 वर्षीय विवाहित महिलेने ओलांडली 'सीमा'

Another Seema Haider: नोएडातील रबुपुरा येथे राहणारी पाकिस्तानी महिला सीमा हैदरने तिचा प्रियकर सचिन मीनासाठी सीमा ओलांडली.

Manish Jadhav

Another Seema Haider: नोएडातील रबुपुरा येथे राहणारी पाकिस्तानी महिला सीमा हैदरने तिचा प्रियकर सचिन मीनासाठी सीमा ओलांडली. सध्या ती येथे राहत असून तिला पाकिस्तानात परत न पाठवण्याची विनंती तिने सरकारकडे केली आहे.

मात्र, या प्रकरणाची चौकशी सुरु आहे. दरम्यान, सीमा हैदरसारखे आणखी एक प्रकरण समोर आले आहे. मिळालेल्या माहितीनुसार, सीमा हैदरप्रमाणेच एक महिला भारतीय तरुणाशी लग्न करण्यासाठी बेकायदेशीररित्या भारतीय हद्दीत आली आहे.

भेटीचे रुपांतर प्रेमात झाले

दरम्यान, ही महिला (Women) उत्तर त्रिपुरा जिल्ह्यातील धर्मनगर येथे अवैधरित्या आली. पोलिसांनी दिलेल्या माहितीनुसार, धर्मनगर उपविभागातील फुलबारी येथे राहणारा नूर जलाल हा अनेकदा बांगलादेशातील मौलवी बाजार येथे आयुर्वेद औषधांसाठी जात असे. यादरम्यान तो 24 वर्षीय विवाहित महिलेच्या संपर्कात आला, असे पोलिसांनी सांगितले.

एसडीपीओ (धर्मनगर) देबाशीष साहा यांनी पीटीआयला फोनवर सांगितले - “फातिमा नुसरत नावाची ही महिला नूरच्या प्रेमात पडली. यानंतर ती बेकायदेशीररित्या लग्न करण्यासाठी सुमारे 15 दिवसांपूर्वी धर्मनगरला पोहोचली.''

नूरला अटक करण्यात आली

पोलिसांनी (Police) दिलेल्या माहितीनुसार, फातिमा आणि नूर फुलबारी येथे राहत होते. गुरुवारी नूरला अटक करण्यात आली. त्यानंतर त्याला 14 दिवसांची न्यायालयीन कोठडी सुनावण्यात आली, मात्र तो फरार झाला.

दरम्यान, पाकिस्तानच्या सीमा हैदरची कहाणीही अशीच सुरु झाली. सीमाने सचिनला भेटण्यासाठी सीमा ओलांडली. सध्या सचिन मीना आणि सीमा हैदर उत्तर प्रदेशातील ग्रेटर नोएडा येथे वैवाहिक जीवन जगत आहेत.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs ENG 4th Test: भारताच्या जिद्दीपुढे इंग्लंडचे ‘सरेंडर’! गिल, जडेजा अन् सुंदरच्या शतकांच्या जोरावर चौथा कसोटी सामना ड्रॉ

'Ayushman Card'च्या नियमात मोठा बदल, 'या' आजारांवर खाजगी रुग्णालयात मिळणार नाही मोफत उपचार

Viral Video: '...अन् हात-पाय हलवत राहिला', नाचता-नाचता रोबोटचा ‘तो’ थरारक क्षण, सोशल मीडियावर व्हिडिओ व्हायरल!

IND vs ENG 4th Test: वर्ल्ड टेस्ट चॅम्पियनशिपमध्ये घडला इतिहास! इंग्लंडने पटकावले पहिले स्थान; केला 'हा' नवा पराक्रम

‘बाबा, माझ्या भावाला ओरडू नका!’: 5 वर्षांची चिमुकली 3 वर्षांच्या भावासाठी बाबांसमोर ढाल बनून उभी राहिली; हृदयस्पर्शी Video Viral

SCROLL FOR NEXT