Jahangirpuri Violence Dainik Gomantak
देश

Jahangirpuri हिंसाचार प्रकरणी आणखी एका आरोपीला अटक

जहांगीरपुरी हिंसाचारप्रकरणी दिल्ली पोलिसांच्या गुन्हे शाखेच्या पथकाने आणखी एका आरोपीला ताब्यात घेतले आहे.

दैनिक गोमन्तक

जहांगीरपुरी येथे हनुमान जयंतीनिमित्त झालेल्या हिंसाचारप्रकरणी दिल्ली पोलिसांच्या गुन्हे शाखेच्या पथकाने आणखी एका आरोपीला ताब्यात घेतले आहे. अब्दुल इलियास राजा असे अटक करण्यात आलेल्या आरोपीचे नाव आहे. जहांगीरपुरी हिंसाचारातून पोलिसांनी आरोपीला अटक केले. अब्दुलवर हिंसाचाराच्या दिवशी जमावात सामील होऊन जहांगीरपुरीचा (Jahangirpuri) हिंसाचार भडकावल्याचा आरोप आहे. (Another accused arrested in Jahangirpuri violence case)

या हिंसाचार प्रकरणात आतापर्यंत तीन अल्पवयीनांसह 37 जणांना पकडण्यात आल्याची माहिती समोर आली आहे. त्याचबरोबर या संपूर्ण प्रकरणातील व्हिडिओ फुटेज आणि इतर पुराव्यांच्या आधारे हिंसाचारात सहभागी असलेल्या इतर आरोपींची ओळख पटवण्याची प्रक्रिया सुरू झाली आहे. यासोबतच अटक करण्यात आलेल्या आरोपींची चौकशी केल्यानंतर हिंसाचारात सहभागी असलेल्या इतर आरोपींचा शोध सुरु आहे.

जहांगीरपुरी हिंसाचाराशी संबंधित 15 आरोपींविरुद्ध अजामीनपात्र वॉरंट जारी करण्यात आले. या फरार आरोपींचा हिंसाचारात मोठा हात असल्याचे गुन्हे शाखेच्या तपासातून खरे बाहेर आहे. यातील बहुतांश आरोपींचे मोबाईल बंद असून या 15 आरोपींपैकी पाच जण पश्चिम बंगालमध्ये लपून बसल्याचे संकेत पोलिसांना मिळालेले आहेत. आता पोलीस या आरोपींच्या शोधात छापे टाकताना दिसून येत आहेत.

पोलिस तपासात त्यांचा हिंसाचारात सहभागी असल्याचे उघड झाले असून सीसीटीव्ही फुटेजमध्ये हे आरोपी हिंसाचाराच्या वेळी दंगल करताना स्पष्ट पणे दिसून येत आहेत. व्हिडीओ फुटेजनंतर परिसरातील नागरिकांकडून त्यांच्याविषयी माहिती घेतली जात असून त्यासोबतच त्यांच्या मोबाईलवरून त्यांचे लोकेशन देखील ट्रेस केले जात आहे.

उत्तर-पश्चिम दिल्लीच्या महेंद्र पार्क परिसरात काही किशोरवयीन मुलांनी केलेल्या गैरकृत्याला धार्मिक रंग देण्याचा प्रयत्न करणाऱ्या एका व्यक्तीला दिल्ली पोलिसांनी अटकेत घेतले आहे. जहांगीरपुरी येथील रहिवासी असलेल्या शिव कुमारने वस्तुस्थितीची पडताळणी न करता जमाव भडकावण्यासाठी विशिष्ट समुदायाला लक्ष्य करण्याचा प्रयत्न केल्याचे देखील वृत्त आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

Uttar Pradesh Assembly Election 2027: उत्तर प्रदेश निवडणुकीत भाजप विरुद्ध भाजप, राममंदिर, राष्ट्रवाद आणि हिंदुत्वाचे मुद्दे झाले जुने; योगी आदित्यनाथ यांची अग्निपरिक्षा

राजकीय आरक्षणाच्या हक्कासाठी आदिवासी समाज रणांगणात उतरणार; आगामी विधानसभा निवडणुकीत 23 मतदारसंघांत सत्ताधाऱ्यांविरोधात लढण्याचा ‘उटा’चा निर्णय

खून, घरफोड्या आणि अत्याचाराच्या घटनांमुळे काणकोणवासीयांमध्ये रोष, मूक आंदोलनातून सरकारचं वेधलं लक्ष; कठोर कारवाईची केली मागणी

Goa Political Alliance: विरोधकांचे आघाडीचे पाऊल; जागावाटप पुन्‍हा लांबणीवर! फॉरवर्ड, आरजीसोबतच्‍या बैठकीला गिरीश, युरींची दांडी

SCROLL FOR NEXT