गुजरातमध्ये 2002 साली दंगली झाल्या होत्या. या प्रकरणावर सुनावनी घेतली. यात सर्वाच्च न्यायालयाने तत्कालीन मुख्यमंत्री नरेंद्र मोदी आणि इतरांना दिलेल्या क्लिनचीटला आव्हान देण्यात आले होते. ही आव्हान याचिका माजी काँग्रेस खासदार एहसान जाफरी यांच्या विधवा पत्नी झाकिया यांनी केली होती. ती सर्वोच्च न्यायालयाने फेटाळली आहे. या पार्श्वभूमीवर देशाचे गृहमंत्री अमित शाह यांनी आपले मत नोंदवले आहे. (Amit Shah reaction after Prime Minister modi got relief on gujarat riots )

याबाबत बोलताना शाह म्हणाले की, “19 वर्षानंतर सुप्रीम कोर्टाच्या खंडपीठाने जो निकाल दिला आहे. त्यानुसार पंतप्रधान मोदींवर असलेले सर्व आरोप नाकारले आहेत. हे आरोप राजकीयदृष्ट्या प्रेरित आहेत असेही कोर्टाने म्हटले आहे. यात पंतप्रधान मोदींची ही चौकशी झाली होती.

यावर बोलताना शाह म्हणाले की, त्यांनी आंदोलन केले नाही. देशभरातील कार्यकर्ते मोदींच्या समर्थनाथ उभे राहिले नाहीत. आम्ही कायद्याचे पालन केले. मलाही अटक करण्यात आली होती. पण एवढ्या मोठ्या लढाईनंतर सत्य जेव्हा समोर येते तेव्हा ते सोन्यापेक्षाही जास्त चमकते,” असे ते म्हणाले.

काय आहे गुजरात दंगल प्रकरण ?

27 फेब्रुवारी 2002 रोजी गुजरातमधील गोध्रा येथे अयोध्येहून परतणाऱ्या सेवकांना घेऊन जाणाऱ्या साबरमती एक्स्प्रेसचा डबा जळून 58 जणांचा मृत्यू झाला होता. यामुळे राज्यभरात मोठ्या प्रमाणावर दंगल उसळली आणि केंद्र सरकारला लष्कराच्या तुकड्या पाठवायला भाग पडले होते. यात झालेली जीवितहानी आणि वित्तहानी यामूळे ह्या प्रकरणाने देशात सर्वत्र हळहळ व्यक्त केले गेली होती. तसेच ही दंगल जाणिवपुर्वक घडवल्याचा दावा ही करण्यात आला होता.