American Tourist  Dainik Gomantak
देश

Indore: अमेरिकन महिला पडली इंदूरच्या प्रेमात, हे शहर न्यूयॉर्कपेक्षा कितीतरी... Video

Madhya Pradesh: देशातील सर्वात स्वच्छ शहर म्हणून इंदूरची ओळख आहे. गेल्या 6 वेळा इंदूरला स्वच्छता अभियानाचा पुरस्कार मिळाला आहे.

Manish Jadhav

Madhya Pradesh: देशातील सर्वात स्वच्छ शहर म्हणून इंदूरची ओळख आहे. गेल्या 6 वेळा इंदूरला स्वच्छता अभियानाचा पुरस्कार मिळाला आहे. स्वच्छतेसोबतच हे शहर सुरक्षितही आहे. इंदूर शहर पाहिल्यानंतर तेथील स्वच्छतेची चाहूल लागते. अलीकडेच, अमेरिकेतून आलेल्या रेनी लीन या महिलेने इंदूरचे वर्णन न्यूयॉर्कपेक्षा स्वच्छ आणि सुरक्षित असल्याचे केले. या बाई इंदूरची स्तुती करताना थकल्या नाहीत.

अमेरिकन महिलेने इंदूरच्या पोलीस आयुक्तांना धन्यवाद पत्र लिहिले

अमेरिकन महिला रेनी लीनने इंदूरचे पोलीस आयुक्त हरिनारायण चारी मिश्रा यांना रंगपंचमीच्या मुहूर्तावर पोलीस यंत्रणेचे कौतुक करणारी चिठ्ठीही लिहिली आहे.

रेनीने लिहिले की, इंदूरची सुरक्षा व्यवस्था अमेरिकेतील अनेक शहरांपेक्षा चांगली आहे. अमेरिकेत 9 वाजल्यानंतर आम्ही घराबाहेर पडायला घाबरतो.

मात्र, इंदूरमध्ये (Indore) मी सराफा मार्केट आणि इतर अनेक मार्केटमध्ये रात्री उशिरापर्यंत हिंडत होते. रेनीने पुढे लिहिले की, तिला येथे खूप सुरक्षित वाटत आहे.

इंदूर न्यूयॉर्कपेक्षा कितीतरी चांगले

अमेरिकेतील रहिवासी असलेली रेनी लीन गेल्या अनेक दिवसांपासून इंदूरमध्ये राहत आहे. इंदूरच्या स्वच्छतेबद्दल ऐकून ती येथे आली. यावर्षी तिने रंगपंचमीचा सण मोठ्या उत्साहात साजरा करुन इंदूरच्या रंगपंचमीचे कौतुक केले.

रेनी म्हणाली की, तिला इथले वातावरण आणि सर्व व्यवस्था खूप आवडल्या, म्हणून ती इंदूरच्या पोलीस आयुक्तांना सुरक्षा व्यवस्थेबद्दल धन्यवाद पत्र देण्यासाठी आली.

ती पुढे म्हणाले की, अमेरिकेच्या (America) पोलिसांना इंदूर पोलिसांकडून खूप काही शिकण्याची गरज आहे. अमेरिकेत ड्रग्ज आणि गन कल्चर खूप जास्त आहे, त्यामुळे तिथल्या महिलांना असुरक्षित वाटते.

रेनीने पुढे असेही सांगितले की, इंदूर सुरक्षितता आणि स्वच्छतेच्या बाबतीत न्यूयॉर्कपेक्षा कितीतरी पटीने चांगले आहे.

पोलीस आयुक्त म्हणाले- ही आमच्यासाठी अभिमानाची बाब आहे

त्याचवेळी पोलिस आयुक्त हरिनारायण चारी मिश्रा यांनी सांगितले की, रेनी लीनने स्वतः येथे येऊन इंदूर पोलिसांचे आभार मानले आणि अभिनंदन केले. तिने सांगितले की, इंदूरच्या अनेक बाजारपेठा मला खूप आवडतात.

मिश्रा म्हणाले की, भविष्यातही आम्ही इंदूरला असेच ठेवू. ही आमच्यासाठी अभिमानाची बाब आहे. रेनी लीनने लिहिलेले धन्यवाद पत्र वाचून सर्व देशवासीयांची छाती अभिमानाने फुलून गेली. या पत्राला आम्ही बक्षीस मानू.

पोलिस आयुक्तांनी हा क्षण सोशल मीडियावर शेअर केला आहे

इंदूरचे पोलीस आयुक्त हरिनारायण चारी मिश्रा यांनी त्यांच्या ट्विटर अकाऊंटवरुन रेनीने लिहिलेले धन्यवाद देणारे पत्र पोस्ट केले आहे. त्यांनी कॅप्शनमध्ये लिहिले – इंदूरमध्ये रंगपंचमीसाठी भारत आणि परदेशातील अनेक पाहुणे आले होते. न्यू जर्सी (यूएसए) येथील लेखिका आणि पर्यटक @Voice_For_India रेनी लिन सणांमध्ये महिलांचा सहभाग तसेच सुरक्षा आणि स्वच्छता पाहून खूप प्रभावित झाल्या.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Sand Mafia Raj: गोव्यातील गोळीबाराची देशात चर्चा; 'एक्स'वर वाळू माफिया राज हॅशटॅग ट्रेन्डिंग

'तूफ़ान समुंदर के न दरिया के भँवर देख'! 19 तास, 94 किलोमीटर अंतर! प्रतिकूल हवामानात 'आर्यन'ने पार केला गोव्याचा समुद्र

Soha Ali Khan: 'गर्ल गँग'सोबत सोहाची पूलसाईड धमाल, गोवा ट्रिपचे फोटो सोशल मीडियावर हिट!

India vs Australia T20I Series: सूर्या ब्रिगेडला मोठा झटका! ऑस्ट्रेलियाविरुद्धच्या पहिल्या तीन सामन्यांतून स्टार अष्टपैलू बाहेर; बीसीसीआयने दिली महत्त्वाची अपडेट

साखळीनं बांधून मारहाण केली, 'तो' रक्ताच्या थारोळ्यात पडला होता, आईने फोडला हंबरडा; मडगाव पोलिसांवर केले गंभीर आरोप

SCROLL FOR NEXT