AIUDF MLA Controversial Statement: दिल्लीतील श्रद्धा हत्याकांडाने संपूर्ण देश हादरला आहे. आरोपी आफताबने श्रद्धाचे 35 तुकडे करुन मेहरौलीच्या जंगलासह विविध ठिकाणी फेकून दिले. पोलीस अजूनही श्रद्धाच्या मृतदेहाचे तुकडे शोधण्यात गुंतले आहेत. दरम्यान, आसाममधील AIUDF आमदार अमिनुल इस्लाम यांचे श्रद्धा हत्या प्रकरणाबाबत वादग्रस्त वक्तव्य समोर आले आहे. आमदार अमिनुल इस्लाम म्हणाले की, 'श्रद्धासारखे प्रकरण मोदी सरकारमुळे घडले.'

अमिनुल इस्लाम यांनी मोदी सरकारवर आरोप केले

एआययूडीएफचे आमदार अमिनुल इस्लाम म्हणाले की, 'मोदी सरकार येण्यापूर्वी अशा घटना घडल्या नाहीत. भाजप विकासाच्या नावावर मतं मागत नाही. नरेंद्र मोदी (Narendra Modi) दीर्घकाळ सत्तेत राहिले तर प्रत्येक शहरात असे प्रकार घडत राहतील.'

आफताबने 35 श्राद्ध केले

पोलिसांनी (Police) दिलेल्या माहितीनुसार, श्रद्धा ही आरोपी आफताबची लिव्ह इन पार्टनर होती. दोघेही दिल्लीतील छतरपूर भागात राहत होते. 18 मे 2022 रोजी आफताबने श्रद्धाचा गळा दाबून खून केला. यानंतर, श्रद्धाचा मृतदेह लपवण्यासाठी त्याने करवतीने तिचे 35 तुकडे केले आणि सुमारे 3 आठवडे घरात ठेवले. मृतदेहाचे तुकडे कुजू नयेत म्हणून आफताबने नवीन फ्रीजही घेतला होता.

मेहरौलीच्या जंगलात फेकून दिलेला मृतदेह

आरोपानुसार, आफताबने श्रद्धाच्या मृतदेहाचे तुकडे मेहरौलीच्या जंगलात फेकून दिले. मात्र, नंतर तपासात आफताबने श्रद्धाच्या मृतदेहाचे तुकडे अनेक ठिकाणी फेकल्याचे समोर आले. शुक्रवारी पोलीस मृतदेहाचे तुकडे शोधण्यासाठी हरियाणातील गुरुग्राम येथेही गेले होते.

आफताबची नार्को टेस्ट होणार

आरोपी (Accused) आफताब तपासात सहकार्य करत नसल्याचा आरोप पोलिसांनी केला आहे. त्यानंतर न्यायालयाने आफताबच्या नार्को टेस्टला परवानगी दिली. आता नार्को टेस्टच्या मदतीने आफताबला सत्य उघड करण्यास भाग पाडले जाईल आणि श्रद्धा हत्याकांडाचे सत्य समोर येईल.