छत्तीसगडमधील (Chhattisgarh) नारायणपूरमध्ये नक्षलवाद्यांनी पेरलेल्या आयईडी बॉम्बच्या स्फोटात एक जवान शहीद झाला आहे. त्याचवेळी एक तरुण जखमी झाल्याचेही सांगण्यात येत आहे. ITBP 53 बटालियनची टीम रस्त्याच्या बांधकामाच्या संरक्षणासाठी निघाली असता सकाळी 8.30 च्या सुमारास हा स्फोट झाला. राजेंद्र सिंह (Rajendra Singh) असे या शहीद जवानाचे (Soldier) नाव असून जखमी जवानाचे नाव महेश असल्याचे सांगण्यात येत आहे. सोनपूर पोलीस ठाण्याच्या हद्दीतील धोंडरीबेडाजवळ ही घटना घडली आहे. नारायणपूरचे एसपी सदानंद कुमार यांनी या वृत्ताला दुजोरा दिला आहे. (A Soldier has been martyred in an IED bomb planted by Naxals in Narayanpur Chhattisgarh)

दरम्यान, मिळालेल्या माहितीनुसार, आज सकाळी ITBP 53 बटालियनचे जवान रस्त्याच्या बांधकामाच्या संरक्षणासाठी बाहेर पडले होते. सोनपूर पोलीस ठाण्याच्या धोंडरीबेडामध्ये येताच आयईडी बॉम्बचा स्फोट झाला. ज्यात एक जवान शहीद झाला तर दुसऱ्या जखमी जवानाला रुग्णालयात दाखल करण्यात आले. त्यानंतर संपूर्ण परिसरात शोधमोहीम वाढवण्यात आली आहे. (Chhattisgarh IED blast News updates)