Gujarat News: गुजरातमधील वडोदरामधून एक धक्कादायक घटना समोर आली आहे. इथे एका 87 वर्षीय वृद्ध महिलेने पतीविरोधात पोलिसात तक्रार केली आहे. पतीच्या सेक्स डिमांडमुळे त्या नाराज असल्याचे त्यांच्या वडिलांनी सांगितले. महिलांच्या मदतीसाठी उभारलेल्या '181 अभ्यम' या हेल्पलाइनवर फोन करुन या वृध्द महिलेने मदत मागितली.

वृत्तानुसार, अभ्यम अधिकारी म्हणाले, "89 वर्षीय पती लैंगिक संबंधासाठी वारंवार मागणी करत होता, जो आजारीही होता. पत्नी आपली डिमांड पूर्ण करत नसल्याची त्याची तक्रार होती.''

अधिकाऱ्याने पुढे असेही सांगितले की, 'या वृध्द जोडप्यांमध्ये चांगले संबंध होते, परंतु आजारी पडल्यानंतर वृध्द पत्नी अंथरुणाला खिळून होती. या वृध्द महिलेला आता सून आणि मुलाच्या मदतीशिवाय चालताही येत नाही. वृध्द पतीला पत्नीच्या स्थितीची जाणीव होती, परंतु तरीही त्यांच्याकडून सेक्सची मागणी वारंवार केली जात होती. नकार दिल्यावर ते ओरडायचे आणि भांडायचे सुध्दा. वृध्द पती एवढ्या जोरात ओरडायचा की शेजाऱ्यांनाही ते कळायचे.'

दुसरीकडे, वैतागलेल्या वृद्ध महिलेने पोलिसांची (Police) मदत घेण्याचे ठरवले आणि हेल्पलाइनवर फोन करुन आपली करुण कहाणी सांगितली. त्यानंतर तात्काळ अभ्यमच्या पथकाने त्यांच्या घरी पोहोचून वृद्धांची समजूत काढण्याचा प्रयत्न केला. अधिका-यांनी वृद्ध व्यक्तीला योगा करण्याचा आणि ज्येष्ठ नागरिकांच्या क्लबमध्ये सामील होण्याचा सल्ला दिला, जेणेकरुन त्यांचे लक्ष सेक्सपासून वळवता येईल. वृद्धांना डॉक्टरांकडे (Doctor) न्यावे, असे कुटुंबीयांना सांगितले.